മോഹൻലാൽ ഇനി തെലുങ്ക് പറയും

മലയാളത്തിന്‍റെ സൂപ്പർ സ്റ്റാർ മോഹൻലാൽ അഭിനയിക്കുന്ന തെലുങ്ക് ചിത്രം മനമന്തയുടെ ഡബ്ബിങ്ങ് ജോലികള്‍ പുരോഗമിക്കുന്നു. മോഹൻലാൽ തന്‍റെ ഫേസ്ബുക്ക് പേജിൽ സിനിമയുടെ ഡബ്ബിങ്ങ് വേളയിലെ ചിത്രങ്ങള്‍ പ്രേക്ഷകർക്കായി പോസ്റ്റ് ചെയ്തു.

ചിത്രത്തിനായി തെലുങ്ക് പഠിക്കുന്നത് വളരെ രസകരമണെന്ന് താരം തന്‍റെ ഫേസ്ബുക്ക് പേജിൽ കുറിച്ചു.


പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രം തെലുങ്കിലും തമിഴിലും മലയാളത്തിലും ഒരേ സമയം റിലീസ് ചെയ്യും. ദേശീയ ചലച്ചിത്ര അവാർഡ് ജേതാവ് ചന്ദ്രശേഖർ യെലിട്ടി സംവിധാനം ചെയ്യുന്ന ചിത്രത്തിൽ ഗൗതമി,ഉർവശി,ജോയ് മാത്യു എന്നിവർ മറ്റ് പ്രധാന കഥാപാത്രങ്ങളെ അവതരിപ്പിക്കും.