ജഗതി ശ്രീകുമാറിൻ്റെ മകൾ ശ്രീലക്ഷ്മി വിവാഹിതയായി; ചിത്രം ഇതാ!

ജഗതി ശ്രീകുമാറിൻ്റെ മകളും അഭിനത്രിയും അവതാരകയുമൊക്കെയായ ശ്രീലക്ഷ്മി വിവാഹിതയായി. കൊച്ചി ഗ്രാൻഡ് ഹയാത് ഹോട്ടലിൽ വെച്ച് നടന്ന ചടങ്ങിൽ ജിജിൻ ജഹാംഗീറാണ് ശ്രീലക്ഷ്മിയുടെ കഴുത്തിൽ മിന്നു കെട്ടിയത്. അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്. ദുബായിൽ കൊമേര്‍ഷ്യൽ പൈലറ്റായി ജോലി നോക്കുകയാണ് ജിജിൻ.

Also Read: 'സുഡാനി'ക്ക് ശേഷം സക്കരിയ ഒരുക്കുന്ന 'ഹലാൽ ലവ് സ്റ്റോറി'; ചിത്രീകരണ വിശേഷങ്ങൾ കണ്ടറിയാം

അഞ്ച് കൊല്ലങ്ങൾക്ക് മുൻപ് കൊച്ചിയിൽ വെച്ചാണ് ഇരുവരും ആദ്യമായി കാണുന്നത്. തുടര്‍ന്ന് ഇവര്‍ അടുത്ത സുഹൃത്തുക്കളായി. പിന്നീട് ഇരുവരും പ്രണയത്തിലാകുകയായിരുന്നു. ശ്രീലക്ഷ്മി തൻ്റെ വിവാഹ വിവരം ഇൻസ്റ്റാഗ്രാമിലൂടെ ആരാധകരുമായി പങ്കുവെച്ചിരുന്നു. ഒമാനിൽ പ്രമുഖ മെഡിക്കൽ ബ്രാൻഡിൻ്റെ മാര്‍ക്കറ്റിങ് വിഭാഗത്തിൽ പ്രവര്‍ത്തിച്ചു വരികയാണ് ശ്രീലക്ഷ്മി ഇപ്പോൾ.

Also Read: രാണു ആളാകെ മാറി; ഞെട്ടിക്കുന്ന മേക്കോവറില്‍ രാണു മൊണ്ഡാല്‍

മികച്ച നര്‍ത്തകി കൂടിയാണ് ശ്രീലക്ഷ്മി. ഒരുപിടി മലയാള ചിത്രങ്ങളിലും ശ്രീലക്ഷ്മി അഭിനയിച്ചിട്ടുണ്ട്. മലയാളത്തിൻ്റെ ഹിറ്റ് ഷോ ആയ ബിഗ്ബോസ് മലയാളത്തിൻ്റെ മത്സരാര്‍ത്ഥികളിൽ ഒരാൾ കൂടിയായിരുന്നു ശ്രീലക്ഷ്മി.