'അത് ഞാൻ തന്നെ' വരുന്നു; പൂജയും സ്വിച്ചോൺ കർമ്മവും കഴിഞ്ഞു, ചിത്രങ്ങൾ

മുകേഷ് നായകനായെത്തിയ ഗൃഹനാഥനും ലാൽ കേന്ദ്രകഥാപാത്രമായ ചന്ദ്രഗിരിക്കും ശേഷം ഗുരുപൂർണ്ണിമയുടെ ബാനറിൽ എൻ.സുചിത്ര നിർമ്മിക്കുന്ന 'അത് ഞാൻ തന്നെ' എന്ന സിനിമയുടെ പൂജയും സ്വിച്ച് ഓൺ കർമ്മവും പയ്യന്നൂരിനടുത്ത് ഏഴിലോട് നടന്നു. ചടങ്ങിൽ കല്ല്യാശ്ശേരി എം.എൽ.എ വിജിൻ, ചെറുതാഴം പഞ്ചായത്ത് പ്രസിഡണ്ട് ശ്രീധരൻ, പ്രമുഖ സംവിധായകൻ കെ.ഹരിദാസ് സംവിധായകരായ ശ്രീജിത്ത്പലേരി , പ്രിയനന്ദനൻ, കെ.കെ ജയപ്രകാശ്, ജിനേഷ്കുമാർഎരമം, സരസ്വതിടീച്ചർ തുടങ്ങി കലാ സാംസ്കാരിക രാഷ്ടീയ രംഗത്തെപ്രമുഖർ പങ്കെടുത്തു.

നവാഗതനായ ജയചന്ദ്രൻ രചനയും സംവിധനവും നിർവ്വഹിക്കുന്ന ചിത്രത്തിൽ മലയാളത്തിലെ പ്രമുഖതാരങ്ങൾ അണിനിരക്കുന്നുണ്ട്. ചിത്രത്തിന്റെ കോ- പ്രൊഡ്യൂസർമാരായി ജാസ്മിൻജോർജ്ജ്, സുരേഷ് കണ്ണൂർക്കര, കുമാർ,അഷറഫ്അൽക്കോട്ടാസ് എന്നിവരും ലൈൻപ്രൊഡ്യൂസറായി കമലാക്ഷൻ പയ്യന്നൂരും പിന്നണിയിലുണ്ട്.

മൂന്നു ഷെഡ്യൂളുകളുള്ളചിത്രത്തിന്റെ ചിത്രീകരണം പയ്യന്നൂരിലും റഷ്യയിലും രാജസ്ഥാനിലുമായി നടക്കുമെന്നും സംവിധായകൻ ജയചന്ദ്രൻ പറഞ്ഞു. ചിത്രത്തിന്റെ ക്യാമറ ചലിപ്പിക്കുന്നത് ലാൽ കണ്ണനാണ്,സംഗീതംബിജിപാൽ, പ്രൊഡക്ഷൻ കണ്ട്രോളർ ഹരിവെഞ്ഞാറമൂട്, കലാസംവിധാനം ബാലകൃഷ്ണൻ കൈതപ്രം, ചമയം പട്ടണംഷാ, വസ്ത്രാലങ്കാരം സുകേഷ് താനൂർ, നിശ്ചല ഛായാഗ്രഹണം നൗഷാദ് കണ്ണൂർ, പരസ്യകല അതുൽ കോബ്ര, ചീഫ് അസ്സോസിയേറ്റ് ഡയറക്ടർ ബാബു ജോൺ, അസിസ്റ്റൻഡ് ഡയയറക്ടർ ആരാധ്യ. പി ആർ ഒ ബിജുപുത്തൂരാണ്.

Also Watch :