നിത്യയൊ വരലക്ഷ്മിയോ, ജയലളിതയാകുന്നത് ആര് ?

ജയലളിതയുടെ ജീവിതം പറയുന്ന സിനിമ എത്തുന്നു. ചിത്രത്തിൻ്റെ ഫസ്റ്റ് ലുക്ക് പോസ്റ്റര്‍ സംവിധായകന്‍ എംഎര്‍ മുരുഗദോസ് പുറത്തുവിട്ടു. 'ദ അയണ്‍ ലേഡി' എന്ന പേരിലാണ് സിനിമ എത്തുക. സിനിമ സംവിധാനം ചെയ്യുന്നത് പ്രിയദര്‍ശിനി ആണ്.


'വ്യത്യസ്തമായ ജീവിതം നയിച്ച ജയലളിതയ്ക്ക് ആദരവായി ഒരു സിനിമ ഒരുക്കുന്നത് ഞങ്ങളുടെ കടമയാണ്. തമിഴ്, തെലുങ്ക്, കന്നഡ, ഹിന്ദി ഭാഷകളില്‍ സിനിമ എത്തിക്കാനാണ് ശ്രമം' - പ്രിയദര്‍ശിനി പറഞ്ഞു. ചിത്രത്തില്‍ ജയലളിതയായെത്തുന്നത് വരലക്ഷ്മി ശരത് കുമാര്‍ ആണെന്നും അതല്ല നിത്യ മേനോന്‍ ആണ് ചിത്രത്തിലെത്തുന്നതെന്നും റിപ്പോര്‍ട്ടുകളുണ്ട്.

ഈ ചിത്രത്തില്‍ അഭിനയിക്കുന്നത് സംബന്ധിച്ച കാര്യത്തില്‍ അന്തിമ തീരുമാനം എടുത്തിട്ടില്ലെന്നാണ് വരലക്ഷി ട്വീറ്റ് ചെയ്ത്തിരിക്കുന്നത്. അന്തിമ തീരുമാനത്തില്‍ താന്‍ എത്തിയാല്‍ നിങ്ങളുമായി പങ്കു വെക്കുമെന്നും വരലക്ഷ്മി ട്വീറ്റ് ചെയ്തു.