കാര്‍ത്തിയെ നായകനാക്കി ജീത്തു ജോസഫിൻ്റെ പുതിയ തമിഴ് ചിത്രം

പാപനാശത്തിന് ശേഷം പുതിയ തമിഴ് ചിത്രമൊരുക്കാൻ ജീത്തു ജോസഫ്. കാര്‍ത്തിയായിരിക്കും ചിത്രത്തിലെ നായകന്‍. ഇക്കാര്യം ഔദ്യോഗികമായി സ്ഥിരീകരിച്ചിട്ടില്ല. മുൻപ് ജീത്തു ജോസഫ് പാപനാശം എന്ന പേരിൽ സ്വന്തം ചിത്രമായ ബ്ലോക്ക്ബസ്റ്റര്‍ ഹിറ്റ് ചലച്ചിത്രം ദൃശ്യം തമിഴിലേക്ക് റീമേക്ക് ചെയ്തിരുന്നു. കമല്‍ഹാസന്‍ ആയിരുന്നു ചിത്രത്തിലെ നായകന്‍.

കാളിദാസ് ജയറാമിനെ നായകനാക്കി ജീത്തു ജോസഫ് ഒരുക്കുന്ന മലയാള സിനിമയുടെ ചിത്രീകരണം പുരോഗമിക്കുകയാണ്. ചിത്രത്തിന് പേരിട്ടിട്ടില്ല.