ജോജു ജോർജും ഷീലു എബ്രഹാമും ഒന്നിക്കുന്ന 'സ്റ്റാർ'; ഷൂട്ടിങ് തുടങ്ങി

എറണാകുളത്ത് ചിത്രത്തിൻ്റെ ഷൂട്ടിങ് പുരോഗമിക്കുകയാണ്. സുവിൻ സോമശേഖരനാണ് ചിത്രത്തിൻ്റെ തിരക്കഥ നിർവ്വഹിച്ചിരിക്കുന്നത്. തരുൺ ഭാസ്‌ക്കറാണ് ചിത്രത്തിൻ്റെ ക്യാമറ കൈകാര്യം ചെയ്യുന്നത്.

ഹലാൽ ലവ് സ്റ്റോറി, ജഗമേ തന്തിരം, വൺ, തുറമുഖം, മാലിക്, ചുരുളി, സുരേഷ് ഗോപി നായകനാകുന്ന 250ാമത്തെ ചിത്രം തുടങ്ങി ഒരുപിടി നല്ല സിനിമകളാണ് ജോജുവിൻ്റേതായി അണിയറയിൽ പുരോഗമിക്കുന്നത്.

ബാദുഷയാണ് 'സ്റ്റാർ' എന്ന ചിത്രത്തിൻ്റെ എക്സിക്യൂട്ടീവ് പ്രൊഡ്യൂസർ. ജോജുവിൻ്റേതായി അണിയറയിൽ പുരോഗമിക്കുന്നത് നിരവധി ചിത്രങ്ങളാണ്. താമര എന്ന ചിത്രവും ജോജുവിൻ്റേതായി അണിയറയിൽ പുരോഗമിക്കുന്നുണ്ട്.

ഷീലുവിനും കൈ നിറയെ അവസരങ്ങളാണ് നിലവിലുള്ളത്. മരട് 357, നീർമെഴുകും ഓർമ്മകൾ, സർപ്രൈസ് ഗിഫ്റ്റ്, അമിഗോസ്, പൊൻമണിക്കവേൽ തുടങ്ങി നിരവധി അനവധി പ്രൊജക്ടുകളാണ് ഷീലുവിൻ്റേതായി അണിയറയിൽ പുരോഗമിക്കുന്നത്.