സിനിമയില്ലെങ്കിൽ താൻ ഓട്ടോ ഓടിച്ചു ജീവിക്കും: ജോയി മാത്യു

മലയാള സിനിമയിൽ അരക്ഷിതാവസ്ഥയുണ്ടെന്നു തുറന്നു സമ്മതിച്ച് പ്രശസ്ത നടനും സംവിധായകനുമായ ജോയി മാത്യു. സിനിമയിൽ ആരെയെങ്കിലും വിമർശിച്ചാൽ പുറത്തതാകുമെന്നുള്ള പേടി കാരണമാണ് പലരും വിമർശനം ഉന്നയികാത്തിരിക്കുന്നതെന്നും എന്നാൽ തനിക്കു അതൊരു പ്രശ്‌നമല്ലെന്നും ജോയ് മാത്യു പറയുന്നു.

താൻ സിനിമയിൽ നിന്ന് കാര്യമായി സമ്പാദിച്ച് ഒരു വീട് പോലും വെച്ചിട്ടില്ലെന്ന് ഒരു അഭിമുഖത്തിൽ അദ്ദേഹം വ്യക്തമാക്കി. സിനിമ ഇല്ലെങ്കിൽ താൻ പഴയതു പോലെ കോഴിക്കോട്ടു ഓട്ടോ ഓടിച്ചു ജീവിക്കുമെന്ന് ജോയി മാത്യു പറഞ്ഞു.താൻ ഒരു സിനിമാക്കാരനായതിനാൽ ധാരാളം പേർ ഓട്ടോയിൽ കയറാൻ വരും. ദുബായിൽ ട്രക് ഓടിക്കാനുള്ള ലൈസൻസ് വരെ തനിക്കുണ്ട്.

കാർ കഴുകുക,പട്ടിയെ കുളിപ്പിക്കുക, ബാത്‌റൂം കഴുകുക ഒക്കെ തനിക്കു ഇഷ്ടപ്പെട്ട ജോലിയാണെന്നും ആ സമയങ്ങളിൽ നല്ല ആശയങ്ങൾ ഉണ്ടാകുമെന്നും ജോയ് മാത്യു പറഞ്ഞു.

Joy Mathew lashes out against insecurity in filmdom