ജൂഡ് നിര്‍മ്മിക്കുന്ന പുതിയ ചിത്രം 'ഫാലിമി'യിൽ ആന്‍റണി വര്‍ഗ്ഗീസ് നായകൻ

സംവിധായകനും നടനുമായ ജൂഡ് ആന്‍റണി ജോസഫും അരവിന്ദ് കുറുപ്പും ചേര്‍ന്ന് നിര്‍മ്മിക്കുന്ന പുതിയ ചിത്രത്തിൽ ആന്‍റണി വര്‍ഗ്ഗീസ് നായകൻ. നവാഗതനായ നിതീഷ് സഹദേവ് സംവിധാനം ചെയ്യുന്ന ചിത്രത്തിന് ഫാലിമി എന്നാണ് പേരിട്ടിരിക്കുന്നത്.

Also Read: മൈ റോക്ക്സ്റ്റാർ; ഇഷ്ടതാരത്തോടൊപ്പമുള്ള ചിത്രവുമായി ഷെയ്ൻ

ആനപ്പറമ്പിലെ വേള്‍ഡ് കപ്പിന് ശേഷം ആന്‍റണി വര്‍ഗീസ് നായകനാകുന്ന ചിത്രമാണിത്. ജല്ലിക്കട്ടാണ് താരത്തിന്‍റേതായി ഒടുവിൽ തിയേറ്ററിൽ എത്തിയ ചിത്രം. ആനപ്പറമ്പിലെ വേള്‍ഡ് കപ്പ് 2020 റിലീസാണ്.

ഫാലിമിയുടെ ഛായാഗ്രഹണം നവാഗതനായ അശ്വിന്‍ നന്ദകുമാര്‍ ആണ്. അങ്കിത് മേനോൻ സംഗീത സംവിധാനവും ആനന്ദ് മേനോൻ ചിത്ര സംയോജനവും ദിൽജിത് എം ദാസ് കലാസംവിധാനവും വിഷ്ണു ഗോവിന്ദ് ശബ്ദലേഖനവും ഇർഷാദ് ചെറുകുന്ന് വസ്ത്രാലങ്കാരവും ജിതീഷ് പൊയ്യ ചമയവും നിര്‍വ്വഹിക്കുന്നതാണ് ചിത്രം.

Also Read: പൃഥ്വിയും സച്ചിയും വീണ്ടും!; ലൂസിഫര്‍ കുടുംബത്തിൽ നിന്നൊരു പുതിയ സംവിധായകൻ കൂടി!; ഒപ്പം എമ്പുരാൻ്റെ പുതിയ വിശേഷവും!


‘സ്വാതന്ത്ര്യം അര്‍ദ്ധരാത്രിയില്‍’ ടീം ഒന്നിക്കുന്ന അജഗജാന്തരം എന്ന ചിത്രമാണ് ആന്‍റണി വര്‍ഗ്ഗീസിന്‍റേതായി ഇപ്പോള്‍ ഷൂട്ടിംഗ് പുരോഗമിക്കുന്ന ചിത്രം. ചിത്രത്തില്‍ ചെമ്പന്‍ വിനോദ്, അര്‍ജുന്‍ അശോക്, സാബുമോന്‍, സുധി കോപ്പ, ലുഖ്മാന്‍, ജാഫര്‍ ഇടുക്കി തുടങ്ങി വന്‍താര നിരയാണ് അണിനിരക്കുന്നത്. കേരളത്തിനെ ഏറെ ഭീതിയിലാഴ്ത്തിയ 2018-ലെപ്രളയത്തിനെ അടിസ്ഥാനമാക്കി ‘2403’ ഫീറ്റ് ആണ് ജൂഡ് ആന്‍റണി സംവിധാനം ചെയ്യുന്ന പുതിയ ചിത്രം. ചിത്രത്തില്‍ ടൊവിനോ, കുഞ്ചാക്കോ ബോബന്‍, ആസിഫ് അലി, ഇന്ദ്രജിത് സുകുമാരന്‍, മഞ്ജു വാര്യര്‍ തുടങ്ങിയവരാണ് പ്രധാനവേഷത്തിൽ എത്തുന്നത്.

Also Watch: താക്കോൽ Theatre Response