'ഇതുവരെ കാണാത്തീരവും പെയ്തിടാ മഴയും'; 'ജുംബാ ലഹരി'യിലെ പാട്ട്

'ഇതുവരെയും കാണാത്തീരം ഇതുവരെയും കേൾക്കാത്ത കാറ്റി/നിരമ്പം ഇതുവരെയും പെയ്തീടാ... മഴ... യാൽ... ഉ... ള്ളാ.... കേ...നനയുകയായ്....പതിയെ വിടരുമൊരു മലരോ'... മനോഹരമായ ഈ വരികളുമായി 'ജുംബാ ലഹരി'യിലെ ആമുഖ ഗാനം പുറത്തിറങ്ങിയിരിക്കുകയാണ്. കമ്മട്ടിപ്പാടത്തിലെ പ്രധാന അഭിനേതാക്കള്‍ ഒന്നിക്കുന്ന ചിത്രമാണ് 'ജുംബാ ലഹരി'. ഷാലു റഹീം, മണികണ്ഠന്‍, വിഷ്ണു രഘു, പ്രവീണ്‍, പി. ബാലചന്ദ്രന്‍ തുടങ്ങിയവരാണ് സിനിമയിൽ പ്രധാന വേഷങ്ങളിൽ അഭിനയിക്കുന്നത്. പുതുമുഖമായ ഭാനുപ്രിയയാണ് ചിത്രത്തിലെ നായിക.

Also Read: 'കമ്മട്ടിപ്പാടം' ടീം വീണ്ടുമെത്തുന്നു 'ജുംബാ ലഹരി'യുമായ്


നവാഗതനായ സുഭാഷ് ലളിത സുബ്രഹമണ്യനും ശ്രീകാന്ത് ബാലചന്ദ്രനും ചേര്‍ന്ന് തിരക്കഥയൊരുക്കിയിരിക്കുന്ന ചിത്രം സംവിധാനം ചെയ്തിരിക്കുന്നത് സുഭാഷ് ലളിത സുബ്രഹ്മണ്യനാണ്. റെസ്റ്റ്‌ലെസ് മങ്കീസിന്‍റെ ബാനറില്‍ മഹിയാണ് ചിത്രത്തിന്‍റെ നിര്‍മ്മാണ നിര്‍വ്വഹണം. അന്‍വര്‍ അലിയുടെ വരികള്‍ക്ക് സുബ്രഹ്മണ്യന്‍ കെ ആണ് സംഗീതം നൽകിയിരിക്കുന്നത്. അശോക് ടി പൊന്നപ്പനും പേൾ മേരി ജോ‍ര്‍ജ്ജും ചേ‌ർന്നാണ് ഗാനം ആലപിച്ചിരിക്കുന്നത്. ഷാലു റഹീമും ഭാനുപ്രിയയുമാണ് ഗാനരംഗത്തിൽ അഭിനയിച്ചിരിക്കുന്നത്.

Also Read: മലയാള സിനിമയിലേക്കൊരു പുതിയ നായിക കൂടി 'ഭാനുപ്രിയ'

ചിത്രത്തിന്‍റെ ടൈറ്റിൽ ലുക്ക് പോസ്റ്റർ ദുൽഖർ സൽമാനായിരുന്നു തന്‍റെ ഒഫീഷ്യൽ ഫേസ്ബുക്ക് പേജിലൂടെ പുറത്തുവിട്ടിരുന്നത്. നഗരജീവിതം പശ്ചാത്തലമാക്കി ഭാനുപ്രിയയും സുഹൃത്തുക്കളും ചേര്‍ന്ന് എടുത്തിട്ടുള്ള ചിത്രങ്ങള്‍ മുമ്പ് വൈറലായിട്ടുമുണ്ട്.