കൊച്ചിയില്‍ ആദ്യ റിലീസ് ദിനം തന്നെ തകര്‍ത്തു വാരി കാല!

പല പ്രതികൂല സാഹചര്യങ്ങള്‍ക്കുമിടയിലാണ് രജനീകാന്ത് ചിത്രം കാല തിയേറ്ററില്‍ എത്തിയത്. റിലീസ് മാറ്റിവെക്കുന്നതടക്കമുള്ള കാര്യങ്ങളില്‍ ചര്‍ച്ചകള്‍ നടന്നെങ്കിലും നടനും ചിത്രത്തിന്‍റെ നിര്‍മാതാവുമായ ധനുഷ് സിനിമയുടെ റിലീസുമായി മുന്നോട്ട് പോകാന്‍ തീരുമാനിച്ചു. ഓണ്‍ലൈന്‍ ടിക്കറ്റ് ബുക്കിങ്ങിലടക്കംപ്രശ്നങ്ങള്‍ നേരിട്ടു. പല തിയേറ്റുകളും ഹൗസ് ഫുള്‍ ആകാന്‍ കൂടുതല്‍ സമയമെടുത്തു.

എന്നാല്‍ ഇതൊന്നും ഒരു പ്രശ്നമേയല്ല എന്ന് തെളിയിച്ചു കൊണ്ട് വന്‍ വിജയമായി മുന്നോട്ടു പോവുകയാണ് കാല. ജൂണ്‍ ഏഴിന് റിലീസായ ചിത്രം കൊച്ചിയില്‍ ആദ്യ ദിനം തന്നെ വാരിയത് പത്തു ലക്ഷം രൂപയാണ്! നാല്‍പ്പതു ഷോകളിലായാണ് ഇത്രയും തുക നേടിയത്. തിയേറ്ററുകള്‍ ശരാശരി 75% നിറഞ്ഞിരുന്നിരുന്നു.

കൊച്ചിയില്‍ വൈകുന്നേരത്തെ ഷോകള്‍ക്കാണ് ആളുകള്‍ കൂടുതല്‍ ഉണ്ടായിരുന്നത്. പ്രവൃത്തിദിനമായതിനാല്‍ വൈകുന്നേരം 95.40% ആളുകളും പകല്‍ സമയത്ത് 62.46% ആളുകളും ആണ് സിനിമ കാണാന്‍ എത്തിയത്.

കൊച്ചിയില്‍ പിവിആര്‍ സിനിമാസില്‍ ആണ് ഏറ്റവും കൂടുതല്‍ കളക്ഷന്‍ ലഭിച്ചത്. ഏഴു ഷോകളില്‍ നിന്നായി 3,71,548 രൂപയാണ് ഇവിടെ നിന്നും ലഭിച്ചത്. ഫോറം കേരളയാണ് ആദ്യ ദിന റിലീസ് വിവരങ്ങള്‍ പങ്കു വച്ചത്.