റിലീസ് ചെയ്ത് മണിക്കൂറുകൾക്കുള്ളിൽ 'കാല' ഇന്‍റര്‍നെറ്റില്‍

കൊച്ചി: രജനി ആരാധകർ ഏറെ പ്രതീക്ഷയോടെ കാത്തിരുന്ന 'കാല' റിലീസ് ചെയ്ത് മണിക്കൂറുകൾക്കുള്ളിൽ ഇന്റർനെറ്റിൽ. പുലർച്ചെ 5:30ഓടെയാണ് ചിത്രം ഇന്റർനെറ്റിൽ വന്നത്. തമിഴ‍്‍റോക്കേഴ്‍സിന്‍റെ വെബ്‌സൈറ്റിൽ റെഡ് ഐ എന്ന അഡ്‌മിനാണ് അപ്‌ലോഡ് ചെയ്തിരിക്കുന്നത്. പുതിയ ചിത്രങ്ങൾ റിലീസ് ചെയ്തയുടൻ ഇന്റർനെറ്റിൽ പ്രചരിപ്പിച്ചിരുന്ന തമിഴ‍റോക്കേഴ്‍സിനെ നിയന്ത്രിച്ചെന്നായിരുന്നു പോലീസ് അറിയിച്ചിരുന്നത്. എന്നാൽ, പോലീസ് നടപടിയെ വകവെക്കാതെയാണ് ഇപ്പോൾ 'കാല' പ്രചരിപ്പിച്ചിരുന്നത്.

അതിനിടെ, കാവേരി വിഷയത്തിൽ രജനികാന്ത് തമിഴ്‌നാടിനെ പിന്തുണക്കുന്നതിനാൽ കർണാടകയിൽ റിലീസ് അനുവദിക്കില്ലെന്ന് അറിയിച്ച് കന്നഡ സംഘടനകൾ രംഗത്തെത്തി.കർണാടകയുടെ വിവിധ ഭാഗങ്ങളിൽ ചിത്രത്തിന്റെ ആദ്യ പ്രദർശനം തടഞ്ഞ് കൊണ്ട് പ്രതിഷേധം നടക്കുകയാണ്. മുംബൈയിലെ ധാരാവിയിൽ ജീവിക്കുന്ന തമിഴ് മക്കളുടെ കഥ പറയുന്ന ചിത്രമാണ് കാല. കർണാടക സർക്കാരും ചിത്രം പ്രദർശിപ്പിക്കുന്നതിൽ പൂർണ സമ്മതം അറിയിച്ചിട്ടില്ല.