അമൽ നീരദ് ചിത്രത്തിൽ ദുൽഖറിനൊപ്പം 'കബാലി' താരവും

ദുൽഖർ സൽമാൻ നായകനാകുന്ന അടുത്ത ചിത്രത്തിൽ 'കബാലി' താരം ജോൺ ആന്‍റണി ഒരു പ്രധാന കഥാപാത്രത്തെ അവതരിപ്പിക്കും. അമൽ നീരദ് സംവിധാനം ചെയുന്ന ചിത്രത്തിന്‍റെ പ്രധാന ലൊക്കേഷൻ കൊച്ചിയിലും അമേരിക്കയിലുമാണ്.

മലയാളത്തിൽ 'ഇയ്യോബിന്‍റെ പുസ്തകം','ബാച്ചിലർ പാർട്ടി' എന്നീചിത്രങ്ങളിലും ജോൺ അഭിനയിച്ചിട്ടുണ്ട്. ദുൽഖർ, അജി മാത്യു എന്ന കഥാപാത്രത്തെ അവതരിപ്പിക്കുന്ന ചിത്രത്തിന്‍റെ ഫസ്റ്റ് ലുക്ക് പോസ്റ്റർ കഴിഞ്ഞ ദിവസം പുറത്തിറങ്ങിയിരുന്നു. കാർത്തിക മുരളീധരൻ, സൗബിൻ സാഹിർ തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.