ലോകമെങ്ങും 'കബാലി' തരംഗത്തിൽ രജനി ഫാൻസ്

ആരാധകര്‍ ഏറെ കാത്തിരിക്കുന്ന സ്റ്റൈല്‍മന്നന്‍ രജനികാന്തിന്റെ ചിത്രമാണ് 'കബാലി'. ഇപ്പോള്‍ എങ്ങും എവിടെയും കബാലി മയമാണ്. ഒരോ ദിവസവും പുതിയ വാര്‍ത്തകളാണ് സിനിമയുമായി ബന്ധപ്പെട്ട് പുറത്തു വരുന്നത്. എയർ ഏഷ്യയുടെ വിമാനം, കബാലി കാറുകൾ, ബസുകള്‍, ബൈക്കുകള്‍, കബാലി മോഡല്‍ കേക്കുകള്‍, കബാലി കഫേ തുടങ്ങി ഓരോയിടത്തും ഓരോരീതിയില്‍ കബാലി സ്റ്റൈൽ തരംഗമാവുകയാണ്.


മെസേജിംഗ് ആപ്പായ വാട്‌സ്ആപ്പ് ഇമോജികളില്‍ കബാലിയും ഇടം പിടിച്ചിട്ടുണ്ട്. കൂടാതെ തമിഴ്നാട്ടില്‍ ചില ഓഫീസുകളും സ്കൂളുകളും കബാലി റിലീസ് ദിനം അവധിയും നല്‍കികഴിഞ്ഞു. റിലീസിന് മുമ്പേ ലോകം ഏറ്റെടുത്ത കബാലി 22ന് തിയറ്ററുകളിലെത്തികഴിഞ്ഞാൽ എന്താകും പൊടിപൂരം എന്ന് കാത്തിരുന്ന് കാണേണ്ടിവരും.