കബാലി മലായ് ഭാഷയിൽ ഡബ് ചെയ്യുന്നു

ഇന്ത്യയിൽ ഏറ്റവും കൂടുതൽ പേർ കണ്ട ടീസർ‍ എന്ന റെക്കോർഡ് കബാലി നേടിയിട്ട് അധികം ദിവസമായില്ല. ഇതിന് പിന്നാലെ രജനി ആരാധകർക്ക് സന്തോഷം നൽകുന്ന മറ്റൊരു വാർത്ത കൂടി വരുന്നു. മലേഷ്യൻ ദ്വീപുകളിലാണ് ചിത്രത്തിന്‍റെ ഏറിയ പങ്കും ഷൂട്ട് ചെയ്തിരിക്കുന്നത്. അതിനാൽ ചിത്രം മലായ് ഭാഷയിലേക്ക് ഡബ് ചെയ്യുന്നു. മലായ് ഭാഷയിൽ ഡബ് ചെയ്യുന്ന ആദ്യ തമിഴ് ചിത്രം എന്ന റെക്കോർഡ് ഇതോടെ കബാലിക്ക് സ്വന്തമായി.

പാ രഞ്ജിത് സംവിധാനം ചെയ്യുന്ന കബാലി തനുവാണ് നിർമിക്കുന്നത്. രാധിക ആപ്തേ, ധൻസിക, കിഷോർ, സന്തോഷ് നാരായണനാണ് സംഗീതം. ജൂലായ് ഒന്നിനാണ് റിലീസ്.