കാതൽ സന്ധ്യ അമ്മയായി ഒരു അപൂ‍ർവതയോടെ

ട്രാഫിക്, സൈക്കിൾ,വേട്ട തുടങ്ങിയ ചിത്രങ്ങളിലൂടെ പ്രേക്ഷക മനസുകളിൽ ഇടം നേടിയ നടി കാതൽ സന്ധ്യ അമ്മയായി. കാതൽ സന്ധ്യയുടെ സുഹൃത്തായ നടി സുജ വരുണിയാണ് സന്ധ്യ പെൺകുഞ്ഞിന് ജന്മം നൽകിയ വിവരം ഫേസ്ബുക്ക് പേജിൽ കുറിച്ചത്. സന്ധ്യയും കുഞ്ഞും ഭർത്താവുമായുള്ള ചിത്രമാണ് സുജ തന്‍റെ ഫേസ്ബുക്ക് പേജിൽ പോസ്റ്റ് ചെയ്തിരിക്കുന്നത്.

രസകരമായ വസ്തുത എന്തെന്നാൽ കുഞ്ഞു പിറന്ന സെപ്റ്റംബർ 27ന് തന്നെയാണ് സന്ധ്യയുടെ പിറന്നാൾ. തന്‍റെ ജന്മദിനത്തിന്‍റെ അന്നുതന്നെ കുഞ്ഞിന് ജന്മം നൽകണം എന്നത്‌ തന്‍റെ ആഗ്രഹമായിരുന്നെന്ന് സന്ധ്യ നേരത്തെ പറഞ്ഞിരുന്നു. ചെന്നൈയിലെ ഐടി ബിസിനസ് സ്ഥാപനത്തിന് ഉടമയായ വെങ്കട്ട് ചന്ദ്രശേഖറാണ് സന്ധ്യയുടെ ഭർത്താവ്.