കൈനകരി തങ്കരാജും മുത്തുമണിയും റോഷ്നയും; 'ദി സൗണ്ട് ഓഫ് ഏജ്' മെയ് 15ന് ഒടിടി റിലീസ്

നവാഗതനായ ജിജോ ജോര്‍ജ് തിരക്കഥ എഴുതി സംവിധാനം ചെയ്ത "ദി സൗണ്ട് ഓഫ് ഏജ് " എന്ന സിനിമയുടെ പോസ്റ്റര്‍ നടൻ ജയസൂര്യ ഒഫീഷ്യൽ ഫേസ്ബുക്ക് പേജിലൂടെ റിലീസ് ചെയ്തു. ഒപ്പം ചിത്രത്തിന്‍റെ റിലീസ് ഡേറ്റും പ്രഖ്യാപിച്ചിട്ടുണ്ട്. മെയ് 15 ശനിയാഴ്ച നീ സ്ട്രീം, റൂട്ട് എന്നീ ഒടിടി പ്ലാറ്റ്‍ഫോമുകളിലൂടെയാണ് ചിത്രത്തിന്‍റെ റിലീസ്.

Also Read: 'നാലഞ്ച് ദിവസമായി എന്‍റെ മനസ്സ് എന്‍റെ കൂടെയില്ല; ഫോണിൽ വിളിച്ച് ചോദിച്ചപ്പോൾ ഉത്തരം വ്യക്തമായി പറഞ്ഞിരുന്നില്ലെ'ന്ന് ബാല

പാര്‍വ്വതി പ്രൊഡക്ഷന്‍സ് ആൻഡ് ലിമ്മാസ് പ്രൊഡക്ഷന്‍സിന്‍റെ ബാനറില്‍ സുരേന്ദ്രൻ വാഴക്കാടും ലിമ്മി ആന്‍റോ കെ, മാമ്പ്ര ഫൗണ്ടേഷന്‍റെ ബാനറിൽ മാത്യു മാമ്പ്രയും ചേർന്ന് നിര്‍മ്മിച്ചിരിക്കുന്ന ഈ ചിത്രത്തില്‍ മുത്തുമണി സോമസുന്ദരന്‍, കൈനകരി തങ്കരാജ്, രഞ്ജിത്ത് മനമ്പ്രക്കാട്ടില്‍, ജിന്‍സ് ഭാസ്‌കര്‍, റോഷ്‌ന ആന്‍ റോയ്, പ്രണവ് കൃഷ്ണ, സ്വാതി പുത്തന്‍വീട്ടില്‍ എന്നിവര്‍ പ്രധാന കഥാപാത്രങ്ങളായെത്തുന്നു.

ഛായാഗ്രഹണം നവീന്‍ ശ്രീറാം നിർവ്വഹിക്കുന്നു. സംഗീതം ബിജിബാൽ, എഡിറ്റിംഗ് പ്രേംസായ്, സൗണ്ട് ഡിസൈന്‍ ഷെഫിന്‍ മായന്‍, പ്രൊഡക്ഷന്‍ കൺട്രോളർ ഹോചിമിന്‍ കെ.സി, കലാസംവിധാനം ശ്രീകുമാര്‍ ആലപ്പുഴ, വസ്ത്രാലങ്കാരം സുകേഷ് താനൂര്‍, ചീഫ് അസോസിയേറ്റ് ഡയറക്ടര്‍ ഷാജന്‍ എസ് കല്ലായി, കളറിസ്റ്റ് ലിജു പ്രഭാകർ, പരസ്യകല ആര്‍ട്ടോ കോര്‍പ്പ്‌സ്, വാർത്ത പ്രചരണം എ എസ് ദിനേശ് എന്നിവരാണ്.

Also Watch :