'ജോണി ജോണി യെസ് അപ്പ'യിൽ ചവറപ്ലാക്കല്‍ ജോസ് ആയി കലാഭവന്‍ ഷാജോണ്‍

'രാമൻ്റെ ഏദൻതോട്ട'ത്തിന് ശേഷം ചാക്കോച്ചനും അനു സിതാരയും മുഖ്യ വേഷങ്ങൾ അവതരിപ്പിക്കുന്ന 'ജോണി ജോണി യെസ് അപ്പ'യിൽ ചവറപ്ലാക്കല്‍ ജോസ് ആയി കലാഭവന്‍ ഷാജോണ്‍ എത്തുന്നു. 'പാവാട'യ്ക്കു ശേഷം മാര്‍ത്താണ്ഡന്‍ സംവിധാനം ചെയ്യുന്ന ചിത്രമാണ് 'ജോണി ജോണി യെസ് അപ്പ'. മുഴുനീള ഹാസ്യചിത്രമായാണ് ചിത്രം ഒരുക്കിയിട്ടുള്ളത്.

ചിത്രത്തില്‍ ജോണി എന്ന കേന്ദ്ര കഥാപാത്രമായിട്ടാണ് ചാക്കോച്ചന്‍ എത്തുന്നത്. നായിക ജയ്‌സയായി അനു സിത്താരയുമെത്തുന്നു. അദിതി രവിയും ചിത്രത്തിൽ മുഖ്യ കഥാപാത്രത്തെ അവതരിപ്പിക്കുന്നുണ്ട്. ടിനി ടോം, ഷറഫുദീന്‍, അബുസലീം എന്നിവരും ചിത്രത്തിൽ പ്രധാന വേഷങ്ങളെ അവതരിപ്പിക്കുന്നുണ്ട്. വെള്ളിമൂങ്ങ ഫെയിം ജോജി തോമസ് ആണ് ചിത്രത്തിനായി തിരക്കഥ രചിക്കുന്നത്. ഷാന്‍ റഹ്‍‍‍മാന്‍ ആണ് ചിത്രത്തിലെ ഗാനത്തിന് സംഗീതസംവിധാനം നിര്‍വഹിക്കുന്നത്.