ദേ.. ദിതാണ് സിദ്ധാർത്ഥും അഞ്ജലിയും.....

ഹിയർ ഈസ് സിദ്ധാർത്ഥ് ആൻഡ് അഞ്ജലി ഫ്രം കലി........എന്നു പറഞ്ഞ് ദുൽഖർ സൽമാൻ തന്‍റെ പുതിയ ചിത്രം കലിയുടെ പുതിയ കളർഫുൾ പോസ്റ്റ‌ർ എഫ്.ബിയിലിട്ടു. സമീർ താഹിർ ഒരുക്കുന്ന കലി സായി പല്ലവിയും മലരും ഒരുമിക്കുന്നതിനാൽ തന്നെ ഇതിനകം ഏറെ ചർച്ചയായി കഴിഞ്ഞതാണ്.
ദുൽഖറിനൊപ്പം ബൈക്കിൽ പറക്കുന്ന സായി പല്ലവിയാണ് പോസ്റ്ററിലുള്ളത്. ദുൽഖറിന്‍റെ മുൻ ചിത്രങ്ങളിലേതുപോലെ ബൈക്കും ഇതിലൊരു പ്രധാനഘടകമാകുമെന്നുറപ്പ്. അതേ സമയം മലരെന്നോ മറ്റോ സെറ്റിൽ ഒരക്ഷരം മിണ്ടിപ്പോകരുതെന്നാണ് സമീർ താഹിർ ലൊക്കേഷനിൽ ശാഠ്യം പിടിക്കുന്നതെന്നും സൂചനയുണ്ട്. കഥാപാത്രത്തിന്‍റെ ശ്രദ്ധ തിരിയാതിരിക്കാൻ സായി പല്ലവിയെ കാണാനെത്തുന്ന ആരാധകരോട് പോലും മലരേ ..എന്ന് വിളിക്കല്ലേയെന്ന് സമീർ പറഞ്ഞിട്ടുണ്ട്.