ഡിഡ് യൂ സ്ലീപ് വിത്ത് ഹേർ? നടുറോഡിൽ അടികൂടി കാളിദാസും പ്രയാ​ഗയും!

ദേശീയ പാതയിലൂടെ നൂറേ നൂറ് സ്പീഡിൽ ചീറി പാഞ്ഞ് കാളിദാസ് ജയറാമും പ്രയാഗ മാര്‍ട്ടിനും. പ്രയാഗ വലിയ കലിപ്പിലാണ്. കാളിദാസ്, പ്രയാഗയെ അനുനയിപ്പിക്കാനായി കോള്‍ ചെയ്യുന്നു, കോള്‍ എടുക്കുന്ന മാത്രയിൽ പ്രയാഗ ഒരു ചോദ്യമെറിയുകയാണ്, ഡിഡ് യു സ്ലീപ് വിത്ത് ഹേർ?. സോഷ്യൽമീഡിയയിൽ കഴിഞ്ഞ ദിവസം എത്തിയ ഈ വീഡിയോ കണ്ടവര്‍ എന്താണ് കാര്യമെന്ന് അറിയാതെ അമ്പരന്നു. പിന്നീടാണ് മനസ്സിലായത് ഇതൊരു ഹ്രസ്വചിത്രമായിരുന്നു, ചിത്രത്തിന്‍റെ പേര് 'ഡിഡ് യു സ്ലീപ് വിത്ത് ഹേര്‍?'.

Also Read: രാജകീയ വരവ്! മോഹൻലാലിന്‍റെ മാസ് എൻട്രിക്ക് പിന്നിൽ


ആമേൻ, ഡബിള്‍ ബാരൽ, ഇരുപത്തിയൊന്നാം നൂറ്റാണ്ട്, നയൻ, ഹാപ്പി സര്‍ദാര്‍, സില്ലു കരുപട്ടി തുടങ്ങി നിരവധി സിനിമകളിലൂടെ ശ്രദ്ധേയനായ ഛായാഗ്രാഹകൻ അഭിനന്ദ് രാമാനുജം സംവിധാനം ചെയ്ത കോമഡി ഷോര്‍ട്ട് ഫിലിമാണിത്. കാളിദാസ് ജയറാമും പ്രയാഗാ മാർട്ടിനുമാണ് ചിത്രത്തിൽ പ്രധാന വേഷത്തിലുള്ളത്.

Also Read: 'ലാഭനഷ്ടങ്ങളെക്കാളും വലുതാണ് എംടി സാറിന്റെ അനുഗ്രഹവും സ്‌നേഹവും; രണ്ടാമൂഴം തിരക്കഥ തിരിച്ചേല്‍പ്പിച്ചു': വി എ ശ്രീകുമാര്‍

'മൈ റോഡ് റീൽ 2020' എന്ന ഹ്രസ്വചിത്ര മത്സരത്തിനായി ഒരുക്കിയതാണ് ഈ ഹ്രസ്വചിത്രം. ചിത്രത്തിന്‍റെ ഛായാഗ്രഹണം നിർവഹിച്ചിരിക്കുന്നതും അഭിനന്ദാണ്. പ്രവീൺ ചന്ദ‍‍ര്‍ ആണ് കഥയൊരുക്കിയിരിക്കുന്നത്. ടേപ്പ് മെഷീൻ സംഗീതം, ആകാശ് ആന്‍റണി സഹനിര്‍മ്മാണം എന്നിവ നിര്‍വ്വഹിച്ചിരിക്കുന്നു. ചിത്രത്തിന്‍റെ ബിഹൈൻഡ് ദി സീൻ വീഡിയോയും യൂട്യൂബിൽ പങ്കുവെച്ചിട്ടുണ്ട്. ലോകത്തിന്‍റെ പല ഭാഗത്തുനിന്നായി നിരവധിപേരാണ് ഈ ഹ്രസ്വചിത്ര മത്സരത്തിൽ പങ്കെടുക്കുന്നത്. വൺ മില്യൺ ഡോളറാണ് വിജയികളാകുന്നവര്‍ക്കുള്ള സമ്മാനത്തുക.

Also Watch :