കാളിദാസിൻ്റെ 'മിസ്റ്റര്‍ ആൻഡ് മിസ് റൗഡി': പുതിയ പോസ്റ്റര്‍

കാളിദാസ് ജയറാമിനെ നായകനായി സൂപ്പര്‍ ഹിറ്റ് ചിത്രം ദൃശ്യത്തിൻ്റെ സംവിധായകനായ ജീത്തു ജോസഫ് ഒരുങ്ങുന്ന 'മിസ്റ്റര്‍ ആൻഡ് മിസ് റൗഡി'യുടെ പുതിയ പോസ്റ്റര്‍ പുറത്ത് വിട്ടു. ചിത്രത്തിനായി തിരക്കഥ ഒരുക്കിയിരിക്കുന്നതും ജീത്തു ജോസഫ് തന്നെയാണ്. അപര്‍ണ ബാലമുരളിയാണ് ചിത്രത്തിലെ നായിക. സായ് കുമാര്‍, വിഷ്‍ണു ഗോവിന്ദൻ, ശരത്, ഗണപതി, എസ്തര്‍ അനിൽ, ഷെബിന്‍ വിന്‍സണ്‍, ഭഗത് മാനുവല്‍ തുടങ്ങിയവരും ഈ ചിത്രത്തിലുണ്ട്.

ഗുണ്ടാ സംഘത്തിനൊപ്പം അതിലും വലിയ ഗുണ്ടയായ ഒരു പെണ്‍കുട്ടി വരുന്നതും തുടര്‍ന്നുണ്ടാകുന്ന രസകരമായ മുഹൂര്‍ത്തങ്ങളും ഒക്കെയാണ് ചിത്രത്തിൽ കോര്‍ത്തിണക്കിയിട്ടുള്ളത്. പ്രണവ് മോഹൻലാൽ ചിത്രം ആദിയ്ക്ക് ശേഷം ജീത്തു ജോസഫ് ഒരുക്കുന്ന ചിത്രത്തിൻ്റെ ട്രെയിലര്‍ ഇതിനോടകം ആരാധകര്‍ ഏറ്റെടുത്ത മട്ടാണ്.



ഗോകുലം മൂവീസാണ് ചിത്രം നിര്‍മ്മിക്കുന്നത്. ഒരു കൊട്ടേഷൻ സംഘത്തിൽ ചേരാൻ ആഗ്രഹിക്കുന്ന ഒരു യുവാവിൻ്റെ കഥാപാത്രത്തെയാണ് കാളിദാസൻ അവതരിപ്പിച്ചിരിക്കുന്നത്. അനിൽ ജോൺസൻ ആണ് സംഗീതം. അയൂബ് ഖാൻ ആണ് എഡിറ്റിംഗ് നിർവഹിക്കുന്നത്.ഷൂട്ട് പൂർത്തിയായ ചിത്രത്തിൻ്റെ പോസ്റ്റ് പ്രൊഡക്ഷൻ ജോലികൾ പുരോഗമിക്കുകയാണ്.

സതീഷ് കുറുപ്പാണ് കാമറ കൈകാര്യം ചെയുന്നത്, ജീത്തു ജോസഫിൻ്റെ ഭാര്യ ലിൻ്റെ ജിത്തുവാണ് ചിത്രത്തിന് കഥ ഒരുക്കിയിട്ടുള്ളത്. രണ്ട് ദിവസത്തിനകം ചിത്രം തീയേറ്ററുകളിലെത്തും

മിഥുൻ മാനുവൽ സംവിധാനം ചെയ്യുന്ന അർജെൻ്റീന ഫാൻസ്‌ കാട്ടൂർകടവ് എന്ന ചിത്രമാണ് കാളിദാസിൻ്റേതായി ഇനി പുറത്തിറങ്ങാൻ ഒരുങ്ങുന്ന ചിത്രം.