വിനീത് നായകനാകുന്ന 'കംബോജി'യുടെ ട്രെയിലറെത്തി

വിനീത് നായകനായി അഭിനയിക്കുന്ന കംബോജിയുടെ ട്രെയിലര്‍ പുറത്തുവിട്ടു. കഥകളിയുടെയും മോഹിനിയാട്ടത്തിന്‍റെയും പശ്ചാത്തലത്തില്‍ ഒരു പ്രണയകഥയാണ് ചിത്രം പറയുന്നത്. ലക്ഷ്മി ഗോപാലസ്വാമിയാണ് നായിക. വിനോദ് മങ്കരയാണ് സംവിധായകന്‍. വിനീത് കഥകളി കലാകാരനായും ലക്ഷ്മി ഗോപാലസ്വാമി മോഹിനിയാട്ടം കലാകാരിയായുമാണ് ചിത്രത്തിലെത്തുന്നത്.

മലബാറില്‍ 1970ല്‍ നടന്ന ഒരു സംഭവത്തിന്‍റെ പശ്ചാത്തലത്തിലാണ് ചിത്രം കഥ പറയുന്നത്. സംഗീതത്തിനും നൃത്തത്തിനും സിനിമയില്‍ തുല്യ പ്രാധാന്യമാണ് നല്‍കിയിരിക്കുന്നത്. സോന നായര്‍, രചന നാരായണന്‍കുട്ടി എന്നിവരും ചിത്രത്തിലുണ്ട്. കംബോജിക്ക് വേണ്ടിയാണ് ഒഎന്‍വി കുറുപ്പ് അവസാനമായി ഗാനമെഴുതിയിരിക്കുന്നത്.