ആവേശമായി കമ്മട്ടിപ്പാടം ട്രെയിലർ എത്തി

ദുല്‍ഖര്‍ വ്യത്യസ്ത ഗെറ്റപ്പില്‍ എത്തുന്ന 'കമ്മട്ടിപ്പാട'ത്തിൻെറ ട്രെയിലറെത്തി. കൊച്ചി കേരളത്തിലെ വന്‍ നഗരമായി വളരുന്നതിന് മുന്‍പുള്ള കാലത്ത്‌നിന്ന് തുടങ്ങുന്ന സിനിമയാണ് 'കമ്മട്ടിപ്പാടം'. കൊച്ചിയിലെ കെ.എസ്.ആര്‍.ടി.സി ബസ്സ് സ്റ്റാന്‍ഡിന്റെ പുറകില്‍ പണ്ട് പാടവും വരമ്പുകളുമായി പരന്നുകിടന്നിരുന്ന ‘കമ്മട്ടിപ്പാടം വളര്‍ന്ന് നഗരമായതിനെക്കുറിച്ചുള്ള കഥയാണ് രാജീവ് രവി ചിത്രം പറയുന്നത്.

മുംബൈയില്‍ സുരക്ഷാ ജീവനക്കാരനായി ജോലി ചെയ്യുന്ന കൃഷ്ണന്‍ എന്ന നാല്‍പത്തിമൂന്നുകാരന്റെ ബാല്യം മുതല്‍ 43 വയസ് വരെയുള്ള ജീവിതവുമാണ് ചിത്രം. പി.ബാലചന്ദ്രന്റേതാണ് തിരക്കഥ. ദുല്‍ഖര്‍സല്‍മാന്‍ കൃഷ്ണനായി അഭിനയിക്കുമ്പോള്‍ ഗംഗനായി പ്രത്യക്ഷപ്പെടുന്നത് വിനായകനാണ്. മെയ് 20ന് സെഞ്ച്വറി ഫിലിംസ് ‘കമ്മട്ടിപ്പാടം’ തിയേറ്ററിലെത്തിക്കുന്നു.

ഷോണ്‍ റോമി, അമല്‍ഡ ലിസ് എന്നീ പുതുമുഖങ്ങളും ബോളിവുഡ് നടി രസിക ദുഗാലും ചിത്രത്തിലെ നായിക കഥാപാത്രങ്ങളെ അവതരിപ്പിക്കുന്നു.