ചുണ്ടിൽ തത്തും കവിതേ...; 'ബിഗ് ബ്രദറി'ലെ ആദ്യ വീഡിയോ ഗാനം

ഇട്ടിമാണി മെയ്ഡ് ഇൻ ചൈനയ്ക്ക് ശേഷം മോഹന്‍ലാല്‍ പ്രധാന കഥാപാത്രമായെത്തുന്ന ചിത്രമായ ബിഗ്ബ്രദറിലെ ആദ്യ വീഡിയോ ഗാനം പുറത്തിറങ്ങി. ചുണ്ടിൽ തത്തും കവിതേ...എന്നു തുടങ്ങുന്ന ഗാനത്തിന് വരികളെഴുതിയിരിക്കുന്നത് റഫീഖ് അഹമ്മദും സംഗീതം നൽകിയിരിക്കുന്നത് ദീപക് ദേവുമാണ്. ഗൗരി ലക്ഷ്മിയും അമിത് ത്രിവേദിയുമാണ് ഗാനം ആലപിച്ചിരിക്കുന്നത്.

Also Read: ദുൽഖര്‍-അനൂപ് സത്യൻ ചിത്രത്തിന് പേരിട്ടു; 'വരനെ ആവശ്യമുണ്ട്'

വിയറ്റ്നാം കോളനി, ലേഡീസ് ആൻഡ് ജെന്‍റിൽമാൻ എന്നീ ചിത്രങ്ങള്‍ക്ക് ശേഷം മോഹന്‍ലാല്‍- സിദ്ദിഖ് കൂട്ടക്കെട്ട് ഒന്നിക്കുന്ന ചിത്രമാണ് ബിഗ് ബ്രദര്‍. മോഹൻലാൽ, മിര്‍ണ മേനോൻ, ടിനി ടോം, ഇര്‍ഷാദ്, വിഷ്ണു ഉണ്ണികൃഷ്ണൻ എന്നിവരാണ് ഗാനരംഗത്തിലുള്ളത്.

ആക്ഷനും കോമഡിക്കും തുല്യപ്രധാന്യം നല്‍കിയിരിക്കുന്ന ചിത്രമാണിതെന്നാണ് ലഭിച്ചിരിക്കുന്ന സൂചന. ചിത്രം ഒരു പട്ടാള കഥയാണോ എന്നൊക്കെയുള്ള സംശയങ്ങള്‍ ഉണര്‍ത്തുന്നതായിരുന്നു മുമ്പ് ചിത്രത്തിന്‍റേതായി പുറത്തിറങ്ങിയിരുന്ന ഫസ്റ്റ് ലുക്ക് പോസ്റ്റര്‍. 25 കോടി ബജറ്റിലാണ് ചിത്രം ഒരുങ്ങുന്നതെന്നാണ് സൂചന.

Also Read: നടി ചാര്‍മിള ആശുപത്രിയില്‍; സഹായിക്കാന്‍ ആരുമില്ലെന്ന് റിപ്പോര്‍ട്ടുകള്‍

മോഹന്‍ലാലിനെകൂടാതെ നിരവധി താരങ്ങള്‍ ചിത്രത്തിലുണ്ട്. ബോളിവുഡ് താരം സൽമാൻ അര്‍ബാസ് ഖാന്‍ ചിത്രത്തില്‍ പ്രധാന വേഷത്തിലുണ്ട്. റജീന, സത്‌ന ടൈറ്റസ്, സിദ്ദിഖ്, അനൂപ് മേനോന്‍, ചെമ്പന്‍ വിനോദ്, സര്‍ജാനോ ഖാലിദ് തുടങ്ങിയവരും ചിത്രത്തില്‍ പ്രധാന കഥപാത്രങ്ങളെ അവതരിപ്പിക്കുന്നുണ്ട്. ഈ മാസമാണ് ചിത്രം തീയേറ്ററുകളിലെത്തുന്നത്.

Also Watch :