'ശുദ്ധി' ഓടിടിയിലെത്തി!

ഒടിടിയിൽ റിലീസ് ചെയ്യുന്ന ആദ്യ കന്നഡ സിനിമയായ 'ശുദ്ധി' ആഗസ്റ്റ് 5 മുതൽ പ്രദർശനത്തിനെത്തി.

നവാഗതനായ ആദർശ് എച്ച് ഈശ്വരപ്പയാണ് ചിത്രം കഥയെഴുതി സംവിധാനം ചെയ്തിരിക്കുന്നത്. ഇന്ത്യയിലെത്തുന്ന അമേരിക്കൻ വംശജയും,ബാലനീതി നിയമത്തിനെതിരെ പോരാടുന്ന രണ്ട് പത്രപ്രവർത്തകരുമായുള്ള ചങ്ങാത്തവും, തുടർന്നുള്ള അവരുടെ യാത്ര ഒരു ആത്മീയ യാത്രയായി മാറുന്നതുമാണ് ചിത്രത്തിന്റെ ഇതിവൃത്തം.സാൻവി പിക്ചേഴ്സിന്റെ ബാനറിൽ മടേഷ് ഭാസ്കറും നന്ദിനി മടേഷും ചേർന്നാണ് ചിത്രത്തിന്റെ നിർമ്മാണം നിർവഹിച്ചിരിക്കുന്നത്.

ലോറൻ സ്പാർട്ടാനോ, നിവേദിത, അമൃത കരഗഡ, ശശാങ്ക് പുരുഷോത്തം, സിദ്ധാർത്ഥ മാദ്ധ്യമിക, സഞ്ചാരി വിജയ്, വീണ സുന്ദർ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. എക്സിക്യൂട്ടീവ് പ്രൊഡ്യൂസർമാർ - രചന കെ.ജി, ഗണേഷ് ബി.ടി, ഫോട്ടോഗ്രാഫി ഡയറക്ടർ - ആൻഡ്രൂ അയ്ല്ലോ, എഡിറ്റർ - രമിസെട്ടി പവൻ, സൗണ്ട് ഡിസൈനർ - നിതിൻ ലൂക്കോസ്, സംഗീതസംവിധായകൻ - ജെസ്സി ക്ലിന്റൺ