അനൂപും മഞ്ജുവും ഒന്നിച്ച 'കരിങ്കുന്നം 6s'ലെ റൊമാന്‍റിക് ഗാനം

അനൂപ് മേനോനും മഞ്ജു വാര്യരും അഭിനയിച്ച 'കരിങ്കുന്നം6s' ലെ റൊമാന്റിക് ഗാനം പുറത്തിറങ്ങി. രാഹുൽ രാജിന്റെ സംഗീതത്തിൽ നജിം അർഷാദ് പാടിയ മേടപ്പൂം പട്ടും ചുറ്റി എന്ന ഗാനമാണ് അണിയറ പ്രവർത്തകർ റിലീസ് ചെയ്തിരിക്കുന്നത്.

സ്‌പോര്‍ട്‌സ് പശ്ചാത്തലത്തില്‍ ഒരുക്കിയ ഈ ചിത്രത്തിന്‍റെ സംവിധാനം നിർവഹിച്ചിരിക്കുന്നത് ദീപു കരുണാകരനാണ്.

മലയാളത്തില്‍ ആദ്യമായാണ് വോളിബോള്‍ എന്ന കായികവിനോദത്തെ ഇതിവൃത്തമാക്കി ഒരു സിനിമ ഒരുക്കുന്നത്. ശ്യാമപ്രസാദ്, മേജര്‍ രവി, മണിയന്‍പിള്ള രാജു, ബൈജു,ലെന, അനീഷ്, നോബി, പത്മരാജ് രതീഷ്, സുദേവ് നായര്‍, സന്തോഷ് കീഴാറ്റൂര്‍, പ്രദീപ് കോട്ടയം, സുധീര്‍ കരമന, ജഗദീഷ്, മണിക്കുട്ടന്‍ തുടങ്ങിയവരും താരനിരയില്‍ അണിനിരക്കുന്നു.

ജയലാല്‍ മേനോനും അനില്‍ ബിശ്വാസും നിര്‍മ്മിച്ച ‘കരിങ്കുന്നം 6s’ ജൂലൈ 7ന് തീയേറ്ററുകളിലെത്തും.