'കൊച്ചുണ്ണി'യുടെ ആദ്യദിന കളക്ഷൻ തുക പുറത്ത് വിട്ടു
നിവിൻ്റെ ഒരു ചിത്രത്തിന് കിട്ടുന്ന ആദ്യ ദിന കളക്ഷൻ തുകയിൽ മുൻപന്തിയിലാണ് കൊച്ചുണ്ണിയുടെ ആദ്യദിവസത്തെ തുക.
Samayam Malayalam 12 Oct 2018, 1:32 pm
ആരാധകര് ആവേശത്തോടെ എതിരേറ്റ കായംകുളം കൊച്ചുണ്ണിയുടെ ആദ്യദിന കളക്ഷൻ തുക പുറത്ത് വിട്ടു. ആദ്യദിവസം തന്നെ ചിത്രം മികച്ച കളക്ൾൻ നേടിമുന്നേറുകയാണെന്നാണ് റിപ്പോര്ട്ടുകൾ സൂചിപ്പിക്കുന്നത്. ആദ്യ ദിവസത്തിൽ തന്നെ കേരളത്തിൽ നിന്ന് മാത്രം ചിത്രം 5 കോടി 3 ലക്ഷം രൂപയാണ് നേടിയിട്ടുള്ളതെന്ന് ഗോകുലം മൂവീസ് വ്യക്തമാക്കി. ചിത്രം നിര്മ്മിച്ചിരിക്കുന്നത് ഗോകുലം മൂവീസാണ്. നിവിൻ്റെ ഒരു ചിത്രത്തിന് കിട്ടുന്ന ആദ്യ ദിന കളക്ഷൻ തുകയിൽ മുൻപന്തിയിലാണ് കൊച്ചുണ്ണിയുടെ ആദ്യദിവസത്തെ തുക. 45 കോടി മുതൽമുടക്കിയാണ് ചിത്രം നിര്മ്മിച്ചിരിക്കുന്നത്.
ഇന്നലെ കേരളത്തിലൊട്ടാകെ 364 തീയേറ്ററുകളിലായി 1700 പ്രദർശനങ്ങളാണ് നടന്നത്. മലയാള സിനിമയിൽ തന്നെ ആദ്യമായാണ് റിലീസ് ദിവസത്തിൽ ഇത്രയേറെ തീയേറ്ററുകളിലായി 1700ഓളം പ്രദര്ശനങ്ങൾ നടത്തുന്നത്. രാവിലെ ഏഴു മണി മുതൽ തുടങ്ങിയ ഷോ പ്രേക്ഷകരുടെ തിരക്ക് നിയന്ത്രിക്കാനാകാതെ അർധരാത്രിയിലുൾപ്പെടെ പ്രത്യേക ഷോകളും ഒരുക്കിയിരുന്നു. മലയാളസിനിമയുടെ ഏറ്റവും വലിയ ആദ്യദിന കളക്ഷൻ റിപ്പോർട്ട് കൊച്ചുണ്ണിക്ക് സ്വന്തമാണെന്ന് മോഹൻലാൽ ചിത്രം ഒടിയൻറെ സംവിധായകൻ ശ്രീകുമാര് മേനോൻ ട്വീറ്റ് ചെയ്തു.
ഇന്നലെ കേരളത്തിലൊട്ടാകെ 364 തീയേറ്ററുകളിലായി 1700 പ്രദർശനങ്ങളാണ് നടന്നത്. മലയാള സിനിമയിൽ തന്നെ ആദ്യമായാണ് റിലീസ് ദിവസത്തിൽ ഇത്രയേറെ തീയേറ്ററുകളിലായി 1700ഓളം പ്രദര്ശനങ്ങൾ നടത്തുന്നത്. രാവിലെ ഏഴു മണി മുതൽ തുടങ്ങിയ ഷോ പ്രേക്ഷകരുടെ തിരക്ക് നിയന്ത്രിക്കാനാകാതെ അർധരാത്രിയിലുൾപ്പെടെ പ്രത്യേക ഷോകളും ഒരുക്കിയിരുന്നു. മലയാളസിനിമയുടെ ഏറ്റവും വലിയ ആദ്യദിന കളക്ഷൻ റിപ്പോർട്ട് കൊച്ചുണ്ണിക്ക് സ്വന്തമാണെന്ന് മോഹൻലാൽ ചിത്രം ഒടിയൻറെ സംവിധായകൻ ശ്രീകുമാര് മേനോൻ ട്വീറ്റ് ചെയ്തു.