കേരളത്തിന് സണ്ണിയുടെ അരിയും പരിപ്പും

കൊച്ചി: ധനസഹായത്തിന് പുറമെ കേരളത്തിലെ ജനങ്ങള്‍ക്കായി 1200 കിലോ അരിയും പരിപ്പും എത്തിച്ച്‌ ബോളിവുഡ് നടി സണ്ണി ലിയോണിയും ഭര്‍ത്താവ് ഡാനിയല്‍ വെബ്ബറും വീണ്ടും ശ്രദ്ധനേടുന്നു. കേരളത്തിലേക്ക് ഭക്ഷ്യവസ്തുക്കള്‍ അയക്കുന്നതിലെ തന്റെ സന്തോഷം സണ്ണി സോഷ്യല്‍ മീഡിയയിലൂടെ പങ്കുവെച്ചിട്ടുമുണ്ട്.


ഇപ്പോഴത്തെ അവസ്ഥയില്‍ നല്‍കുന്ന 1200 കിലോ ഭക്ഷ്യവസ്തുക്കള്‍ കേരളത്തിന് തികയില്ലെന്ന് അറിയാമെന്നും പ്രളയബാധയില്‍ ദുരിതമനുഭവിക്കുന്ന കേരളത്തിലെ ജനങ്ങള്‍ക്കായി ഇനിയും ഒരുപാട് കാര്യങ്ങള്‍ ചെയ്യാന്‍ താന്‍ ആഗ്രഹിക്കുന്നുണ്ടെന്നും താരം തന്‍റെ ട്വിറ്റര്‍ അക്കൗണ്ടില്‍ കുറിച്ചിട്ടുണ്ട്.

മുഖ്യമന്ത്രിയുടെ ദുരിതാശ്വാസ നിധിയിലേക്ക് കേരളത്തിനായി മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് താരം സംഭാവന നല്‍കിയെന്നും എന്നാല്‍ തുക എത്രയാണെന്ന് വെളിപ്പെടുത്താന്‍ താരത്തിന് താത്പര്യമില്ലെന്നും സണ്ണിയുടെ ഓഫീസ് മുൻപ് അറിയിച്ചിരുന്നതിന് പിന്നാലെയാണ് ഈ സഹായവും.