ചലച്ചിത്ര അവാർഡ്: കുമാർ സാഹ്നി ചെയർമാൻ, നവ്യ ജൂറി അംഗം
2018ലെ കേരള സംസ്ഥാന ചലച്ചിത്ര അവാർഡ് നിർണയത്തിനുള്ള ജൂറി പ്രഖ്യാപിച്ചു. കുമാർ സാഹ്നിയാണ് സിനിമാവിഭാഗം ചെയർമാൻ. ഡോ. പി.കെ. പോക്കർ രചനാവിഭാഗം ജൂറി ചെയർമാനുമാണ്.
Samayam Malayalam 14 Feb 2019, 8:36 pm
ഹൈലൈറ്റ്:
- ചലച്ചിത്ര അവാർഡിനായുള്ള പുതിയ ജൂറിയെ പ്രഖ്യാപിച്ചു
- ചലച്ചിത്ര താരം നവ്യ നായർ ജൂറി അംഗമാണ്
- ഷെറി ഗോവിന്ദൻ, ജോർജ് ജോസഫ് (ജോർജ് കിത്തു) എന്നിവരും ജൂറി അംഗങ്ങളാണ്
തിരുവനന്തപുരം: സംസ്ഥാന ചലച്ചിത്ര അവാർഡിനായുള്ള പുതിയ ജൂറിയെ പ്രഖ്യാപിച്ചു. 2018ലെ കേരള സംസ്ഥാന ചലച്ചിത്ര അവാർഡ് നിർണയത്തിനുള്ള ജൂറി രൂപീകരിച്ചാണ് ഉത്തരവായിരിക്കുന്നത്. സംവിധായകൻ കുമാർ സാഹ്നി സിനിമാവിഭാഗം ജൂറി ചെയർമാനും, ഡോ. പി.കെ. പോക്കർ രചനാവിഭാഗം ജൂറി ചെയർമാനുമാണ്. ചലച്ചിത്ര നടി സിനിമാ വിഭാഗം ജൂറി അംഗമാണ്. ഷെറി ഗോവിന്ദൻ, ജോർജ് ജോസഫ് (ജോർജ് കിത്തു), കെ.ജി. ജയൻ, മോഹൻദാസ്, വിജയകൃഷ്ണൻ, ബിജു സുകുമാരൻ, പി.ജെ. ഇഗ്നേഷ്യസ് (ബേണി ഇഗ്നേഷ്യസ്), എന്നിവരാണ് സിനിമാ വിഭാഗത്തിലെ മറ്റ് അംഗങ്ങൾ.
ഡോ. ജിനേഷ് കുമാർ എരമോം, സരിത വർമ്മ എന്നിവരാണ് രചനാവിഭാഗം അംഗങ്ങൾ. ഇരുവിഭാഗങ്ങളിലും സംസ്ഥാന ചലച്ചിത്ര അക്കാദമി സെക്രട്ടറി മഹേഷ് പഞ്ചു അംഗമാണ്.
ഡോ. ജിനേഷ് കുമാർ എരമോം, സരിത വർമ്മ എന്നിവരാണ് രചനാവിഭാഗം അംഗങ്ങൾ. ഇരുവിഭാഗങ്ങളിലും സംസ്ഥാന ചലച്ചിത്ര അക്കാദമി സെക്രട്ടറി മഹേഷ് പഞ്ചു അംഗമാണ്.