ഇതാ മലയാളത്തിൽ ഒരു 'പ്രേതപ്പടം' കൂടി: 'കിനാവള്ളി' ട്രെയിലര്‍

മലയാള സിനിമാ ചരിത്രത്തിൽ ഇതാ ഒരു 'പ്രേതപ്പടം' കൂടി. 'കിനാവള്ളി' എന്ന് പേരിട്ടിരിക്കുന്ന ചിത്രത്തിന്‍റെ ട്രെയിലര്‍ പുറത്തുവിട്ടു. സുഗീത് സംവിധാനം ചിത്രത്തിൽ പുതുമുഖമായ സുരഭി സന്തോഷ്, അജ്മല്‍ സെയ്ന്‍, വിജയ് ജോണി, സുജിത്ത് രാജ് കൊച്ചുകുഞ്ഞ് എന്നിവരാണ് മുഖ്യ കഥാപാത്രങ്ങളെ അവതരിപ്പിച്ചിരിക്കുന്നത്. ഹരീഷ് കണാരനും ചിത്രത്തിൽ ഒരു നിര്‍ണായകമായ വേഷം കൈകാര്യം ചെയ്യുന്നുണ്ട്. ശ്യാം ശീതള്‍, വിഷ്ണു രാമചന്ദ്രന്‍ എന്നിവരാണ് ചിത്രത്തിന് തിരക്കഥ ഒരുക്കിയിരിക്കുന്നത്.


സമ്മര്‍ വെക്കേഷൻ ആനന്ദകരമാക്കാൻ ചെറുപ്പക്കാരായ ദമ്പതികളും സുഹൃത്തുക്കളും പ്രേതബാധയുള്ള ഒരു ബംഗ്ലാവില്‍ എത്തുന്നതും പിന്നീടുണ്ടാകുന്ന സംഭവവികാസങ്ങളുമാണ് ചിത്രത്തിന്‍റെ ഇതിവൃത്തമെന്നാണ് ട്രെയിലറിൽ നിന്ന് മനസിലാക്കാനാകുന്നത്. ശാശ്വന്ത്, ശ്രീസായ് സുരേന്ദ്രന്‍, മംഗള്‍ സുവര്‍ണന്‍ എന്നിവരാണ് ചിത്രത്തിലെ ഗാനങ്ങൾക്ക് സംഗീതം ഒരുക്കിയിരിക്കുന്നത്. സൂരജ് എസ് കുറുപ്പാണ് പശ്ചാത്തല സംഗീതത്തിന് പിന്നിൽ.