'കൂടെ'യിൽ ദുൽഖറും?; ട്രെയിലർ കാണാം

നസ്രിയ നസീം, പാര്‍വതി, പൃഥ്വിരാജ് എന്നിവരെ കേന്ദ്രകഥാപാത്രങ്ങളാക്കി അഞ്ജലി മേനോന്‍ ഒരുക്കിയ കൂടെയുടെ ട്രെയിലര്‍ പുറത്ത്വിട്ടു. ബാംഗ്ലൂർ ഡെയ്സിനു ശേഷം അഞ്ജലി മേനോന്‍, നസ്രിയ നസീം, പാര്‍വതി എന്നിവര്‍ ഒന്നിക്കുന്ന ചിത്രം കൂടിയാണ് കൂടെ.

ചിപ്പി രഞ്ജിത്താണ് ട്രെയിലര്‍ പുറത്ത് വിട്ടിരിക്കുന്നത്. ട്രെയിലറിൽ അഞ്ജലി മേനോൻ്റെ മുൻ ചിത്രം ബാംഗ്ലൂര്‍ ഡെയ്സിലെ ദുൽഖര്‍ സൽമാൻ്റെ പ്രശസ്ത ഡയലോഗും പരാമര്‍ശിക്കുന്നുണ്ട്. പിന്നാലെ നടക്കാനല്ല കൂടെ നടക്കാനാണ് ഇഷ്ടം എന്ന പ്രശസ്ത ഡയലോഗ് നസ്രിയ സഹോദരനായി അഭിനയിക്കുന്ന പൃഥ്വിരാജിനോട് ഓർമ്മപ്പെടുത്തുന്നതായാണുള്ളത്.


പൃഥ്വിയുടെ അനിയത്തിയായാണ് ചിത്രത്തിൽ നസ്രിയ എത്തുന്നത്. പാര്‍വതി പൃഥ്വിയുടെ പെയറായും എത്തുന്നു. ആനന്ദത്തിലൂടെ പ്രശസ്തനായ റോഷനാണ് നസ്രിയയുടെ പെയറായെത്തുന്നത്. മലയാളത്തിൽ ആരാധകര്‍ ഏറെ പ്രതീക്ഷയോടെ കാത്തിരുന്ന ചിത്രമാണ് കൂടെ. വിവാഹ ശേഷം നസ്രിയ അഭിനയ രംഗത്തേക്ക് തിരിച്ചെത്തുന്ന ചിത്രമെന്ന പ്രത്യേകതയും കൂടെയ്ക്കുണ്ട്. രജപുത്ര ഫിലിംസാണ് ചിത്രം തിയേറ്ററുകളിലെത്തിച്ചിരിക്കുന്നത്.