ചാർലിക്ക് ശേഷം മാർട്ടിൻ പ്രക്കാട്ട്
2015ൽ പുറത്തിറങ്ങിയ ദുൽഖര്‍ സൽമാൻ ചിത്രം ചാർലിക്ക് ശേഷം മാർട്ടിൻ പ്രക്കാട്ട് സംവിധാനം ചെയ്യുന്നതാണ് ചിത്രം. ജോസഫ് എന്ന സൂപ്പർ ഹിറ്റ് ചിത്രത്തിനു ശേഷം ഷാഹി കബീർ തിരക്കഥയൊരുക്കുന്നു. ഷൈജു ഖാലിദ് ഛായാഗ്രഹണവും മഹേഷ് നാരായണൻ എഡിറ്റിംഗും വിഷ്ണു വിജയ് സംഗീത സംവിധാനവും നിർവ്വഹിച്ചിരിക്കുന്നു.
അയ്യപ്പനും കോശിക്കും ശേഷം ഗോൾഡ് കോയിൻ
അയ്യപ്പനും കോശിയും എന്ന സൂപ്പർ ഹിറ്റ് സിനിമയ്ക്ക് ശേഷം ഗോൾഡ് കോയിൻ മോഷൻ പിക്‌ച്ചേഴ്‌സിന്‍റെ ബാനറിൽ സംവിധായകനും തിരക്കഥാകൃത്തുമായ രഞ്ജിത്തും ശശിധരനും ചേ‍ർന്ന് നിർമ്മിക്കുന്ന ചിത്രം കൂടിയാണിത്. അൻവർ അലിയുടെ വരികൾക്ക് വിഷ്ണു വിജയാണ് സിനിമയിൽ സംഗീതം നിർവഹിക്കുന്നത്.
റിലീസ് ഏപ്രിൽ 8ന്
വിനയ് ഫോര്‍ട്ട്, അനിൽ നെടുമങ്ങാട്, യമ തുടങ്ങി നിരവധി താരങ്ങൾ ചിത്രത്തിൽ അഭിനയിക്കുന്നുണ്ട്. മൂന്നാർ, കൊടൈക്കനാൽ, വട്ടവട, കൊട്ടക്കാംബൂർ തുടങ്ങി ഹൈറേഞ്ച് ഇടങ്ങളിലായിട്ടാണ് സിനിമയുടെ ചിത്രീകരണം നടന്നിരുന്നത്. ജോസഫിന് ശേഷം വീണ്ടുമൊരു പോലീസ് സ്റ്റോറിയാണ് ഷാഹി ഒരുക്കിയിരിക്കുന്നത്.
വേട്ടക്കാരന്‍ തന്നെ വേട്ടയാടപ്പെടാം
'ചിലപ്പോള്‍ വേട്ടക്കാരന്‍ തന്നെ വേട്ടയാടപ്പെടാം' എന്ന ടാഗ് ലൈനുമായിട്ടായിരുന്നു സിനിമയുടെ ആദ്യ പോസ്റ്റര്‍ എത്തിയിരുന്നത്. കുഞ്ചാക്കോ ബോബന്‍, ജോജു, നിമിഷ എന്നിവർ മൂവരും പോലീസ് വേഷത്തിലുള്ള പോസ്റ്ററാണ് റിലീസ് ഡേറ്റ് പ്രഖ്യാപിച്ചുകൊണ്ട് ഇന്ന് പുറത്തിറക്കിയിരിക്കുന്നത്.
Also Read: മൂസ റീലോഡഡ്; പാട്ട് പൊക്കിയവരെ പിടിക്കാൻ മൂസയുടെ രണ്ടാം വരവ്! കളർഫുള്ളായി 'കാടിറങ്ങി' കവ‍ർ