വേറിട്ട ഗെറ്റപ്പിൽ ചാക്കോച്ചൻ; അള്ള് രാമേന്ദ്രൻ പോസ്റ്റര്‍

കൊച്ചി: കുഞ്ചാക്കോ ബോബൻ വ്യത്യസ്ത ഗെറ്റപ്പിലെത്തുന്ന പുതിയ ചിത്രം 'അള്ള് രാമേന്ദ്രൻ' പോസ്റ്റ‍ർ എത്തി. 'പോരാട്ട'ത്തിൻ്റെ സംവിധായകൻ ബിലഹരി സംവിധാനം ചെയ്യുന്ന ചിത്രത്തിൻ്റെ ഷൂട്ടിംഗ് പുരോഗമിക്കുകയാണ്. അപ‍ർണ ബാലമുരളിയും ചാന്ദ്നി ശ്രീധറുമാണ് നായികമാരായി എത്തുന്നത്. ദുൽഖ‍ർ സൽമാൻ തൻ്റെ ഫേസ്ബുക്ക് പേജിലൂടെയാണ് ചിത്രത്തിൻ്റെ പോസ്റ്റർ പുറത്തു വിട്ടത്. കലിപ്പ് ലുക്കിലിരിക്കുന്ന കുഞ്ചാക്കോ ബോബനാണ് പോസ്റ്ററിലുള്ളത്


സെൻട്രൽ പിക്ചേഴ്സിൻ്റെ ബാനറിൽ ആഷിഖ് ഉസ്മാനാണ് ചിത്രം നി‍ർമ്മിക്കുന്നത്. ജിംഷി ഖാലിദാണ് ക്യാമറ കൈകാര്യം ചെയ്യുന്നത്. ഷാന്‍ റഹ്മാനാണ് സംഗീതം. ഹരീഷ് കണാരൻ, ധർമ്മജൻ ബോൾഗാട്ടി എന്നിവരും ചിത്രത്തിലുപണ്ട്. ലാൽ ജോസ് സംവിധാനം ചെയ്യുന്ന തട്ടിൻ പുറത്ത് അച്യുതൻ ക്രിസ്മസ് റിലീസായി തീയേറ്ററിലെത്തുന്നു