'നമ്മള്‍ പഠിച്ച ആദ്യ വാക്കുകളിൽ ഒന്ന്'; മലയാളികൾക്ക് ആന ഇതൊക്കെയാണെന്ന് ചാക്കോച്ചൻ

പാലക്കാട് തിരുവിഴാംകുന്ന് അമ്പലപ്പാറയില്‍ ഗര്‍ഭിണിയായ ആന സ്‌ഫോടക വസ്തുക്കള്‍ നിറച്ചുവെച്ചിരുന്ന പൈനാപ്പിള്‍ കഴിച്ച്‌ ചരിഞ്ഞ സംഭവം ഇപ്പോള്‍ ലോകം മുഴുവൻ ശ്രദ്ധ നേടിയിരിക്കുകയാണ്. നിരവധി സിനിമാ താരങ്ങള്‍ ഉള്‍പ്പെടെയുള്ളവരാണ് ഈ വിഷയത്തിൽ പ്രതികരണവുമായി എത്തിയിരിക്കുന്നത്. ഈ സമയം മലയാളികള്‍ക്ക് ആന എന്തൊക്കെ ആണെന്ന് ഓര്‍മ്മിപ്പിച്ചുകൊണ്ട് രംഗത്തെത്തിയിരിക്കുകയാണ് നടന്‍ കുഞ്ചാക്കോ ബോബന്‍.

Also Read: വ്യാജവാര്‍ത്ത കൊണ്ട് കേരളത്തെ അപഹസിക്കാന്‍ അനുവദിക്കില്ലെന്ന് ഷെയ്ന്‍; വര്‍ഗ്ഗീയവത്കരിക്കാന്‍ ശ്രമിക്കുന്നവര്‍ വണ്ടി വിട്ടോയെന്ന് നീരജും

"നമ്മള്‍ പറഞ്ഞ, പഠിച്ച, എഴുതിയ ആദ്യ വാക്കുകളില്‍ ഒന്ന് കാണുമ്പോഴെല്ലാം അതിശയത്തോടെയും, സന്തോഷത്തോടെയും, കൗതുകത്തോടെയും നോക്കി നിന്ന ഒന്ന്. ഐശ്വര്യത്തിന്‍റെയും ഗാംഭീര്യത്തിന്‍റെയും പ്രതീകമായി കാണുന്ന ഒന്ന്. വിശ്വസ്തതയുടെയും സഹനത്തിന്‍റെയും നേര്‍കാഴ്ചയായ ഒന്ന്. 'ആന എന്നാണ് കുഞ്ചാക്കോ ബോബൻ ഫേസ്ബുക്കിൽ കുറിച്ചിരിക്കുന്നത്.

Also Read: ചില ചിത്രങ്ങൾ അങ്ങിനെയാണ് ഒരുപാട് സ്‌പെഷ്യൽ; മനോഹരിയായി ഭാവന!!


ഇത്തരത്തിലുള്ള ക്രൂരത കാണിച്ച അക്രമികളെ നിയമത്തിന് മുന്നില്‍ കൊണ്ടുവരണമെന്ന് ആവശ്യപ്പെട്ട് നിരവധി പേരാണ് ഇതിനകം രംഗത്തെത്തിയിരിക്കുന്നത്. രാജ്യമെങ്ങും ഇതിനെതിരെ സോഷ്യൽമീഡിയയിലൂടേയും മറ്റും സ്വരമുയര്‍ത്തിയിരിക്കുകയാണ്. കുറ്റക്കാര്‍ക്ക് കര്‍ശന ശിക്ഷ നൽകണമെന്നാണ് പലരും ആവശ്യപ്പെട്ടിരിക്കുന്നത്.

Also Watch :