തന്നോട് പുരുഷന്മാർക്കിപ്പോൾ ദേഷ്യമത്രെ പറയുന്നത് ചാക്കോച്ചൻ

മലയാള സിനിമയിലെ ചോക്ലേറ്റ് ബോയി എന്ന ഇമേജിൽ നിന്നും പൂർണമായും മാറി നായക, വില്ലൻ റോളുകളിൽ തന്‍റെതായ മുദ്രപതിപ്പിക്കുന്നതിലുള്ള തിരക്കിലാണ് യങ് ചാമിങ് ഹീറോ കുഞ്ചാക്കോ ബോബൻ. താരത്തിന്‍റെ അടുത്തക്കാലത്ത് ഇറങ്ങിയ ചിത്രങ്ങളെല്ലാം വൻ ഹിറ്റുകളായിരുന്നു. ഒരു രൂപ പോലും പ്രതിഫലം വാങ്ങാതെയായിരുന്നു ടേക്ക് ഓഫിലെ റോൾ ചാക്കോച്ചൻ ഏറ്റെടുത്തത്. പ്രേക്ഷകരിൽ നിന്നും മികച്ച പ്രതികരണമായിരുന്നു ടേക്ക് ഓഫിന് ലഭിച്ചിരുന്നത്.

അനു സിത്താരയുമൊത്തുള്ള ചാക്കോച്ചന്‍റെ പുത്തൻ പടം 'രാമന്‍റെ ഏദൻതോട്ടം' തിയേറ്ററുകളിൽ തകർത്തോടിക്കൊണ്ടിരിക്കുകയാണ്. അതിനിടയ്ക്ക് സംഭവിച്ച രസകരമായൊരു കാര്യം ചാക്കോച്ചൻ ഫേസ്ബുക്കിൽ വന്ന് പങ്കുവയ്ക്കുകയാണിവിടെ. ഹൗ ഓള്‍ഡ് ആര്‍ യൂ എന്ന ചിത്രത്തിൽ ഒരു നെഗറ്റീവ് റോളായതു കൊണ്ടുതന്നെ വീട്ടമ്മമ്മാർക്ക് എന്നോട് വലിയ ദേഷ്യമായിരുന്നു. എന്നാൽ രാജീവ് എന്ന കഥാപാത്രത്തെ പുരുഷന്മാർ ഏറ്റെടുത്തിരുന്നു. എന്നാൽ കാര്യമിപ്പോൾ നേരെ മറിച്ചാണ്.

രാമന്‍റെ ഏദൻതോട്ടത്തിലെ രാമനെ സ്ത്രീകൾക്കെല്ലാം ഇഷ്ടപ്പെട്ടു, എന്നാൽ പുരുഷന്മാർക്ക് ഒട്ടും രസിച്ചില്ല, അവർക്കെന്നോട് കലിപ്പാണ്. ഹൗ ഓള്‍ഡ് ആര്‍ യൂ, രാമന്‍റെ ഏദൻതോട്ടം എന്നീ ചിത്രങ്ങൾ സ്ത്രീപക്ഷ ചിത്രങ്ങളാണ്. ആ ചിത്രങ്ങളിലെ കഥാപാത്രത്തോട് സ്നേഹവും ദേഷ്യവും തോന്നിയിട്ടുണ്ടെങ്കിൽ തികച്ചും ആ കഥാപാത്രങ്ങളുടെ വിജയമാണ്. അത്തരത്തിലുള്ള കഥാപാത്രങ്ങൾ തന്നെ വിശ്വസിച്ച് ഏൽപ്പിച്ചതിൽ സംവിധായകരോടും കൂടെ അഭിനയിച്ചവരോടും എല്ല് അണിയറപ്രവർത്തകരോടും കടപ്പെട്ടിരിക്കുന്നതായി ചാക്കോൻ വീഡിയോയിൽ പറഞ്ഞു. ചാക്കോച്ചന്‍റെ ലൈവ് വീഡിയോ കാണാം.



kunchako boban talks about his charcter on facebook video

Kunchako boban clearly talks about his charcters in the live video, as he gets some comments form his fans.