'സുഡാനി ഫ്രം നൈജീരിയ'യിലെ ഫുട്ബോൾ ഗാനം പുറത്തിറങ്ങി

ഹാസ്യനടനായ സൗബിന്‍ ഷാഹിര്‍ നായകനായെത്തുന്ന “സുഡാനി ഫ്രം നൈജീരിയ “. ചിത്രത്തിലെ പന്തുകൊണ്ടൊരു നേർച്ച ഫലം എന്തുകൊണ്ടും തീർച്ച എന്ന പാട്ട് ഇപ്പോള് ഹിറ്റാവുകയാണ്. ഷഹബാസ് അമനും റെക്സ് വിജയനുമാണ് പാട്ടിനുപിന്നിൽ. സിനിമയുടെ കഥയും തിരക്കഥയും നവാഗതനായ സക്കറിയ ആണ്. സക്കറിയ തന്നെയാണ് സംവിധാനവും.സൗബിനോടൊപ്പം നൈജീരിയക്കാരനായ സാമുവേല്‍ ആബിയോളയും ചിത്രത്തില്‍ പ്രധാനകഥാപാത്രത്തെ അവതരിപ്പിക്കും.


ഹാപ്പി ഹവേഴ്സ് എന്റര്‍ടെയ്ന്‍മെന്റ്സിനു വേണ്ടി സമീര്‍ താഹിറും ഷൈജു ഖാലിദുമാണ് ചിത്രം നിര്‍മിക്കുന്നത്.വാള്‍ട്ട് ഡിസ്നിയുടെ ‘ഡെസ്പറേറ്റ് ഹൗസൈ്വവ്സ് ആഫ്രിക്ക’, ‘ടിന്‍സല്‍’, എം ടിവിയുടെ ‘ഷുഗ’ തുടങ്ങിയ ആഫ്രിക്കന്‍ ചിത്രങ്ങളിലൂടെ ശ്രദ്ധേയനാണ് സൗബിനാപ്പം പ്രധാന താരമായി അഭിനയിക്കുന്ന സാമുവല്‍ അബിയോള റോബിന്‍സണ്‍.

മലപ്പുറത്ത് സെവന്‍സ് കളിക്കാനെത്തുന്ന ‘സുഡാനി’യായാണ് 19കാരനായ റോബിന്‍സണ്‍ വേഷമിടുന്നത്. കോഴിക്കോടും മലപ്പുറത്തുമായി ചിത്രീകരിക്കുന്ന സിനിമ ഫുട്ബോള്‍ പശ്ചാത്തലത്തിലാണ് ഒരുക്കുന്നത്.ഷൈജു ഖാലിദ് തന്നെയാണ് ചിത്രത്തിന്റെ ഛായാഗ്രഹണവും നിര്‍വ്വഹിക്കുന്നത്. ചിത്രത്തിനു വേണ്ടി സംഭാഷണങ്ങള്‍ ഒരുക്കുന്നത് ‘കെ.എല്‍ പത്തി’ലൂടെ ശ്രദ്ധേയനായ മുഹ്സിന്‍ പെരാരിയും സംവിധായകന്‍ സക്കറിയയുമാണ്.