'കുട്ടന്‍പിള്ളയുടെ ശിവരാത്രി'യുടെ മോഷന്‍ പോസ്റ്റര്‍

സുരാജ് വെഞ്ഞാറമൂട് നായകനാവുന്ന 'കുട്ടന്‍പിള്ളയുടെ ശിവരാത്രി'യുടെ മോഷൻ പോസ്റ്റര്‍ പുറത്ത് വിട്ടു.
ജീന്‍ മാര്‍ക്കോസ് സംവിധാനം ചെയ്യുന്ന ചിത്രത്തിൽ സുരാജ് കേന്ദ്രകഥാപാത്രമായ കോണ്‍സ്റ്റബിള്‍ കുട്ടന്‍പിള്ളയെയാണ് അവതരിപ്പിക്കുന്നത്.

ആലങ്ങാട് പ്രൊഡക്ഷന്‍സിന്‍റെ ബാനറില്‍ രാജി നന്ദകുമാറാണ് ചിത്രം നിര്‍മ്മിക്കുന്നത്.
കുടുംബ ബന്ധങ്ങളുടെ കഥ പറയുന്ന ചിത്രമാണിത്. ചിത്രത്തിൽ ശ്രിന്ദ, മിഥുന്‍ രമേശ്, കൊച്ചുപ്രേമന്‍, ശ്രീകാന്ത് മുരളി തുടങ്ങിയവരും ഒട്ടേറെ പുതുമുഖങ്ങളും അണിനിരക്കുന്നു. പാലക്കാടും ഒറ്റപ്പാലത്തുമായാണ് ചിത്രം ചിത്രീകരിച്ചിരിക്കുന്നത്. ഗായിക സയനോര ആദ്യമായി സംഗീത സംവിധായിക ആകുന്ന ചിത്രം കൂടിയാണിത്.