Also Read: എംഎല്‍എ ആണെങ്കിലും വായില്‍ നിന്നും വരുന്ന വാക്കുകള്‍ ശ്രദ്ധിക്കണം; ഗണേഷ് കുമാറിന് പാര്‍വതിയുടെ മറുപടി
നിഴലുമായി ചാക്കോച്ചനും നയന്‍സും
''ട്വന്റി-20യിലെ പാട്ടിന് ശേഷം 2020യില്‍ നയന്‍താരയുമായി അഭിനയിക്കുകയാണെന്നത് ഒരു കൗതുകമാണ്. നേരത്തെ തന്നെ കഥ കേട്ടിരുന്നു. സിനിമ ചെയ്യാമെന്നും ഏറ്റതാണ്. പക്ഷെ ശക്തയായൊരു സ്ത്രീകഥാപാത്രമുണ്ട്, അതിനായി പറ്റിയ ആളെ വേണമായിരുന്നു. ഞാനാണ് അവര്‍ക്ക് നയന്‍താരയുടെ പേര് നിര്‍ദ്ദേശിക്കുന്നത്'' കുഞ്ചാക്കോ ബോബന്‍ പറയുന്നു.
ഇടക്ക് ഇടവേളയിട്ട് കൊവിഡ്
നയന്‍താരയ്ക്ക് സ്ക്രീപ്റ്റ് ഇഷ്ടമായെങ്കിലും പാന്‍ഡമിക് കാരണം കുറച്ചുനാളത്തേക്ക് ചിത്രീകരണം നീട്ടി വെക്കേണ്ടി വന്നുവെന്നും കുഞ്ചാക്കോ ബോബന്‍ പറഞ്ഞു. ഇപ്പോള്‍ ചിത്രീകരണം ആരംഭിക്കാന്‍ തീരുമാനിക്കുകയായിരുന്നുവെന്നും അദ്ദേഹം പറഞ്ഞു.
സുപ്രധാന വേഷത്തില്‍ ബാലതാരം
കൂടുതല്‍ രംഗങ്ങളും പരിമിധമായ ഇടത്താണ് ചിത്രീകരിക്കുന്നത്. അതിനാല്‍ കൊവിഡ് മാനദണ്ഡം പാലിക്കാനാകുമെന്നും കേരളത്തിന് പുറത്ത് രണ്ട് ദിവസത്തെ ചിത്രീകരണം മാത്രമാണുള്ളതെന്നും കുഞ്ചാക്കോ ബോബന്‍ പറഞ്ഞു. ചിത്രത്തില്‍ ഒരു സുപ്രധാന വേഷത്തില്‍ ബാലതാരമെത്തുമെന്നും സുപരിചിതരായ കുറച്ച് താരങ്ങള്‍ മാത്രമേയുണ്ടാവുകയുള്ളൂവെന്നും അദ്ദേഹം അറിയിച്ചു.
Also Read: 14-ാം വയസില്‍ ചിത്രീകരിച്ച രംഗങ്ങള്‍ പോണ്‍ സെെറ്റിലൂടെ പ്രചരിപ്പിച്ചു, ഡിജിപിയ്ക്ക് പരാതി നല്‍കിയിട്ടും നടപടിയില്ല; വെളിപ്പെടുത്തി നടി
തിരക്കഥ
പുതുമുഖമായ സഞ്ജീവാണ് ചിത്രത്തിന്റെ തിരക്കഥ എഴുതിയിരിക്കുന്നത്. ആന്റോ ജോസഫ് ഫിലിം കമ്പനിക്കൊപ്പം അഭിജിത് എം പിള്ള, ബാദുഷ, സംവിധായകന്‍ ഫെല്ലിനി ടി.പി, ഗണേഷ് ജോസ് എന്നിവര്‍ നിര്‍മ്മാതാക്കളാകുന്നു. ദീപക് ഡി മേനോന്‍ ക്യാമറയും, സൂരജ് എസ്. കുറുപ്പ് സംഗീതസംവിധാനവും നിര്‍വഹിക്കുന്നു. അപ്പു ഭട്ടതിരിരിയും അരുണ്‍ ലാലുമാണ് എഡിറ്റിംഗ്.