കങ്കണയുടെ 'തലൈവി', സ്റ്റൈലൻ ഗെറ്റപ്പിൽ പുതിയ ചിത്രങ്ങൾ പുറത്ത്!

എ എൽ വിജയ് സംവിധാനം ചെയ്യുന്ന തലൈവി എന്ന ചിത്രത്തിനായി പ്രേക്ഷകർ വളരെ ആകാംക്ഷയോടെ കാത്തിരിക്കുകയാണ്. ചിത്രത്തെ സംബന്ധിച്ച ഓരോ പുത്തൻ വിശേഷങ്ങളും ആരാധകർ ഇരുകൈയ്യും നീട്ടിയാണ് സ്വീകരിക്കാറുള്ളത്. ബോളിവുഡ് താരം കങ്കണ റണാവത് ആണ് കേന്ദ്ര കഥാപാത്രത്തെ അവതരിപ്പിച്ചത്. തമിഴ്നാട് മുന്‍ മുഖ്യ മന്ത്രി ജയലളിതയുടെ ജീവിതം സിനിമയാകുന്നതിനാൽ തന്നെ സിനിമയിൽ വലിയ പ്രതീക്ഷയാണ് ആരാധകർക്കുള്ളത്. തമിഴ് , തെലുങ്ക്, ഹിന്ദി ഭാഷകളിലായി ചിത്രം പുറത്തിറങ്ങും

Also Read: അമിതാഭ് ബച്ചന് ഇന്ന് 78; ബിഗ് ബിയുടെ പണം വാരി പടങ്ങൾ ഇവയാണ്!

മദ്രാസ്‌പട്ടണം’, ‘ദൈവതിരുമകൾ’ എന്നീ ചിത്രങ്ങളിലൂടെ പ്രശസ്തനായ സംവിധായകൻ ഒരുക്കുന്ന സിനിമയാണെന്നതിനാലും പ്രതീക്ഷ വാനോളമാണ്. ചിത്രത്തിൻ്റേതായി ഫസ്റ്റ് ലുക്ക് ആദ്യം പുറത്ത് വിട്ടപ്പോൾ കങ്കണയുടെ മേക്കോവർ ലുക്ക് ഏറെ സൈബറാക്രമണത്തിന് വിധേയമായിരുന്നു. തുടർന്ന് അണിയറപ്രവർത്തകർ പുതിയ പോസ്റ്റർ പുറത്ത് വിട്ടിരുന്നു. കങ്കണയുടെ ഓവർ മേക്കപ്പായിരുന്നു ആദ്യ പോസ്റ്ററിൽ ഏറെ വിമർശനവിധേയമായത്.

Also Read: ജന്മദിനത്തിൽ പെപ്പെയ്ക്ക് അപ്രതീക്ഷിത സമ്മാനവുമായി താര സുഹൃത്തുക്കൾ

ഇപ്പോഴിതാ ചിത്രത്തിലെ മറ്റു ഗെറ്റപ്പിലുള്ള ചിത്രങ്ങളൊക്കെ സോഷ്യൽ മീഡിയയിൽ വൈറലായിരിക്കുകയാണ്. മാസ്ക് അണിഞ്ഞ് നിയമസഭയിൽ ഇരിക്കുന്ന കങ്കണയുടെ ചിത്രങ്ങളും ഖദറുടുത്ത ജയലളിതയുടെ ഗെറ്റപ്പുമൊക്കെ ഇപ്പോൾ പുറത്ത് വന്നിട്ടുണ്ട്. ഇപ്പോൾ പുറത്ത് വന്നിരിക്കുന്ന പുത്തൻ ചിത്രങ്ങളും ആരാധകർ ഇരുകൈയ്യും നീട്ടി സ്വീകരിച്ചിരിക്കുകയാണ്.