ഇനി നിങ്ങളുടെ കൈകളിലാ...'ലീല'യുടെ കിടിലൻ പോസ്റ്റ‍ർ

ഏറെ വിവാദങ്ങൾക്കൊടുവിൽ രഞ്ജിത്തിന്‍റെ 'ലീല' എന്ന ചിത്രം ഈ മാസം 22ന് പ്രദർശനത്തിന് എത്തുകയാണ്. തിയറ്റ‍ർ റിലീസിനൊപ്പം ഓൺലൈൻ റിലീസിങ്ങും പരീക്ഷിക്കുന്ന ചിത്രത്തിന്‍റെ പോസ്റ്റ‍റുകൾ ഇതിനകം വഴിയോരത്തെ മതിലുകളിലെത്തികഴിഞ്ഞു. 'ഒടുവിൽ ഇവിടെവരെയെത്തി, ഇനി നിങ്ങളുടെ കൈകളിലാ...'എന്ന എഴുത്തിലാണ് പുതിയ പോസ്റ്ററുകൾ. ഉണ്ണി ആറിന്‍റെ ചെറുകഥ സിനിമയാക്കി ബിജുമേനോൻ, കുട്ടിയപ്പൻ എന്ന പ്രധാനവേഷത്തിലെത്തുന്ന ചിത്രത്തിന്‍റെ ടീസറുകൾ ഇതിനകം തരംഗമായികഴിഞ്ഞിട്ടുണ്ട്. നിർമ്മാതാക്കളുടെ സംഘടനയുൾപ്പെടെ സിനിമയ്ക്കെതിരെ രംഗത്ത് വന്നത് ഏറെ വിവാദമായിരുന്നു.