ആനക്കാട്ടിൽ ചാക്കോച്ചിയാകാൻ സുരേഷ് ഗോപി; ചിത്രീകരണം സെപ്തംബറിൽ

ആനക്കാട്ടിൽ ചാക്കോച്ചിയാകാൻ സുരേഷ് ഗോപി വീണ്ടും ഒരുങ്ങി കഴിഞ്ഞു. ലേലം രണ്ടാം ഭാഗത്തിന്‍റെ തിരക്കഥ പൂർത്തിയായെന്നും ചിത്രീകരണം സെപ്തംബറിൽ ആരംഭിക്കുമെന്നാണ് ഏറ്റവും ഒടുവിലായി ലഭിക്കുന്ന റിപ്പോർട്ട്. പ്രീപ്രൊഡക്ഷൻ വർക്കുകൾ ആരംഭിച്ചു കഴിഞ്ഞെന്നാണ് അണിയറയിൽ നിന്നുള്ള വിവരം.

നീണ്ടയൊരു ഇടവേളയ്ക്ക് ശേഷം ആക്ഷൻ ഹീറോയായി തിളങ്ങിയ സുരേഷ് ഗോപി വെള്ളിത്തിരയിലേക്ക് മടങ്ങി എത്തുന്നു എന്ന പ്രത്യേകത കൂടിയുണ്ട് ചിത്രത്തിന്. ആനക്കാട്ടിൽ ചാക്കേച്ചിയായി സുരേഷ് ഗോപി തന്നെയാണ് രണ്ടാം ഭാഗത്തിലും എത്തുന്നതെങ്കിലും മറ്റു താരനിരകളെ കുറിച്ചുള്ള വിവരങ്ങളൊന്നും ലഭ്യമല്ല. കസബയ്ക്ക് ശേഷം നിഥിൻ രഞ്ജി പണിക്കർ ഒരുക്കുന്ന ചിത്രമാണ് ലേലം 2.