'ശണ്ടക്കോഴി' സൂര്യക്കായി ഒരുക്കിയ തിരക്കഥ

'ശണ്ടക്കോഴി' മൂന്നാം ഭാഗത്തിൻ്റെ സൂചന നൽകി നടൻ വിശാൽ. 'ശണ്ടക്കോഴി 2'വിൻ്റെ ഓഡിയോ ലോഞ്ചിനിടെയായിരുന്നു വിശാൽ ഇങ്ങനെ അഭിപ്രായപ്പെട്ടത്. ചിത്രത്തില്‍ കീര്‍ത്തി സുരേഷാണ് നായിക. വരലക്ഷ്മി ശരത്കുമാറും ചിത്രത്തിലുണ്ട്. സൂര്യക്കായാണ് തിരക്കഥ ഒരുക്കിയെങ്കിലുംസംവിധായകൻ ലിംഗുസ്വാമി തന്നിൽ വിശ്വാസമര്‍പ്പിക്കുകയായിരുന്നു. തൻ്റെപൂജാമുറിയിലുള്ള സ്വാമിയേക്കാള്‍ ഈ സ്വാമിയെ താന്‍ വിശ്വസിക്കുന്നു എന്നാണ് ലിംഗുസ്വാമിയേക്കുറിച്ച്‌ വിശാല്‍ പറഞ്ഞത്.

"ശണ്ടക്കോഴി പരമ്പര 'ദ ഗോഡ് ഫാദര്‍' എന്ന ചിത്രത്തേപ്പോലെയാണ്. ശണ്ടക്കോഴി 2 ചിത്രീകരിക്കുമ്പോൾ ആദ്യ ഭാഗത്തിന്റെ മനോഹരമായ ഓര്‍മ്മകള്‍ മനസിലേക്കെത്തി. അതുകൊണ്ട് തന്നെ ഒരു മൂന്നാം ഭാഗത്തിന്റെ സാധ്യതകള്‍ തള്ളിക്കളായാനാകില്ല". രണ്ടാം ഭാഗം വിജയമായി മാറിയാല്‍ മൂന്നാം ഭാഗത്തിനായി താനും കീര്‍ത്തി സൂരേഷും ലിംഗുസ്വാമിയുടെ ഓഫീസിന് മുന്നിലെത്തുമെന്നും വിശാല്‍ പറഞ്ഞു. ഒക്ടോബര്‍ 19ന് സ്‌ക്രീന്‍ സീന്‍ തിയറ്ററിലെത്തിക്കുന്ന ശണ്ടക്കോഴി 2 വിശാല്‍ ഫിലിം ഫാക്ടറിയും പെന്‍ സ്റ്റുഡിയോസും ചേര്‍ന്നാണ് നിര്‍മിക്കുന്നത്