അനിഘ നായികയായ തമിഴ് ഹ്രസ്വചിത്രം 'മാ' വൈറലാകുന്നു

അനിഘ നായികയായ തമിഴ് ഹ്രസ്വചിത്രം 'മാ' വൈറലാകുന്നു. പതിനഞ്ചു വയസുകാരിയായ മകളുടെയും അമ്മയുടെയ കഥയാണ് ചിത്രം പ്രമേയമാക്കിയിരിക്കുന്നത്. അമ്മ നേരിടുന്ന അതീവ കഠിനമായ മാനസിക പ്രതിസന്ധിയെ വ്യത്യസ്തമായി മറികടക്കുന്നതാണ് മാ എന്ന ഹ്രസ്വചിത്രം തുറന്നുകാട്ടുന്നത്. ഒരമ്മയും ആ സമയത്ത് മകളിൽ നിന്ന് കേൾക്കാൻ ആഗ്രഹിക്കാത്ത, കേട്ടാൽ ഭയം നിറയുന്ന മാനസിക അവസ്ഥയാണ് സിനിമയുടെ കഥാപശ്ചാത്തലം.




സര്‍ജുന്‍ കെഎം ആണ് ഈ തമിഴ് ഹ്രസ്വചിത്രം സംവിധാനം ചെയ്തിരിക്കുന്നത്. മലയാളികളായ അനിഘയും കനി കുസൃതിയുമാണ് ചിത്രത്തിൽ അമ്മയും മകളുമായി അഭിനയിച്ചിരിക്കുന്നത്. യു ട്യൂബില്‍ ഇതിനോടകം തന്നെ മൂന്ന് ലക്ഷത്തിലേറെ കാഴ്ചക്കാരാണുള്ളത്.