ഇളയരാജയുടെ ഗാനങ്ങള്‍ പാടുന്നതിന് മദ്രാസ് ഹൈക്കോടതിയുടെ വിലക്ക്

ചെന്നൈ: സംഗീതസംവിധായകന്‍ ഇളയരാജ ചിട്ടപ്പെടുത്തിയ ഗാനങ്ങള്‍ അദ്ദേഹത്തിന്‍റെ അനുമതിയില്ലാതെ ഇനിമുതൽ വേദികളിലും ഓണ്‍ലൈന്‍ ഉള്‍പ്പെടെയുള്ള മാധ്യമങ്ങള്‍ വഴിയും ആലപിക്കുന്നതിന് മദ്രാസ് ഹൈക്കോടതിയുടെ വിലക്ക്. ഈ ആവശ്യവുമായി ഇളയരാജ മുമ്പ് കോടതിയെ സമീപിച്ചപ്പോള്‍ താല്‍ക്കാലിക നിരോധനം ഏര്‍പ്പെടുത്തിയിരുന്നതാണ്. അതിനുശേഷം ഇന്നലെ ഹര്‍ജിയില്‍ ജസ്റ്റിസ് അനിത സുമന്താണ് അന്തിമ വാദം പുറപ്പെടുവിച്ചിരിക്കുന്നത്.

അദ്ദേഹത്തിന്‍റെ അനുവാദമില്ലാതെ ഇനി ഗാനങ്ങള്‍ ഉപയോഗിക്കരുതെന്നാണ് അന്തിമ ഉത്തരവില്‍ പറഞ്ഞിരിക്കുന്നത്. തന്റെ ഗാനങ്ങള്‍ പാടുന്നതിന് ഗായകര്‍ പണം വാങ്ങിയാല്‍ അതിന്റെ ആനുപാതിക തുക തരണമെന്നുമാണ് അദ്ദേഹത്തിന്റെ ആവശ്യം വന്നിരിക്കുന്നത്. അതേസമയം സൗജന്യമായി തന്റെ പാട്ട് പാടുന്നവരോട് പണം ആവശ്യപ്പെട്ടിട്ടില്ലെന്നും ഇളയരാജ വ്യക്തമാക്കിയിട്ടുണ്ട്.