മഹേഷ് ബാബുവിന്‍റെ സ്പൈഡർ; മലയാളം ടീസർ

മഹേഷ് ബാബുവിനെ നായകനാക്കി എ ആര്‍ മുരുഗദോസ് സംവിധാനം ചെയ്യുന്ന സ്പൈഡറിന്‍റെ മലയാളം ടീസര്‍ പുറത്ത് വിട്ടു. തെന്നിന്ത്യ മുഴുവൻ ആകാംക്ഷയോടെ കാത്തിരിക്കുന്ന ചിത്രമാണ് സ്പൈഡര്‍. എസ് ജെ സൂര്യയുടെ വില്ലൻ ഗെറ്റപ്പ് ടീസറിനെ വ്യത്യസ്തമാക്കുന്നു. ബാറ്റ്മാൻ സീരിസിലെ സ്കെയർക്രൗ വില്ലനോട് സാദൃശ്യമുള്ള ഗെറ്റപ്പിലാണ് എസ് ജെ സൂര്യ ചിത്രത്തിലെത്തുന്നത്. ഭരത്, രാകുല്‍ പ്രീത് സിങ് എന്നിവരാണ് ചിത്രത്തിലെ മറ്റ് താരങ്ങള്‍. തെലുങ്കിൽ ഒരുക്കുന്ന ചിത്രം മലയാളത്തിലുമെത്താനൊരുങ്ങുകയാണ്.




സാങ്കേതികതയ്ക്ക് ഏറെ പ്രാധാന്യം നൽകുന്ന ചിത്രമാണിത്. സന്തോഷ് ശിവനാണ് സ്‌പൈഡറിന്‍റെ ഛായാഗ്രഹകൻ. പീറ്റര്‍ ഹെയ്‌നാണ് ആക്ഷൻ രംഗങ്ങൾ കൊറിയോഗ്രാഫി ചെയ്യുന്നത്. ഹാരിസ് ജയരാജാണ് സംഗീതം. റിലയന്‍സ് എന്‍റര്‍ടെയിന്‍മെന്‍റ് പ്രൊഡക്ഷന്‍റെ സഹകരണത്തോടെ എന്‍വിആര്‍ സിനിമാ എല്‍എല്‍പി ആണ് ചിത്രം നിര്‍മിച്ചിരിക്കുന്നത്. ഈ മാസം ചിത്രം തിയേറ്ററുകളിലെത്തും.

mahesh babu spyder movie malayalam teaser released

Tollywood Actor Mahesh Babu's Spyder movie malayalam teaser released