ഇന്ന് തിയേറ്ററുകളിലെത്തിയത് മൂന്ന് മലയാള ചിത്രങ്ങൾ

ഇന്ന് തിയേറ്ററുകളിലെത്തിയത് മൂന്ന് മലയാള ചിത്രങ്ങൾ. ഒമർ ലുലു ഒരുക്കിയ 'ചങ്ക്‌സ്', വേണുഗോപന്‍ സംവിധാനം ചെയ്ത 'സർവ്വോപരി പാലാക്കാരൻ', സിദ്ധാർഥ് ഭരതന്‍റെ 'വർണ്യത്തിൽ ആശങ്ക അതു താനല്ലയോ ഇത്' എന്നീ ചിത്രങ്ങളാണ് ഇന്ന് തിയേറ്ററുകളിലെത്തിയിരിക്കുന്നത്.

'ഹാപ്പി വെഡിംഗി'നു ശേഷം ഒമർ ലുലു സംവിധാനം ചെയ്ത ചിത്രമാണ് 'ചങ്ക്സ്'. സൗഹൃദകഥ പറയുന്ന ചിത്രത്തിൽ ബാലു വര്‍ഗീസ്, ഹണി റോസ്, ധർമജൻ, വിശാഖ്, ധര്‍മ്മജന്‍ ബോള്‍ഗാട്ടി, ഗണപതി എന്നിവ‍ പ്രധാന കഥാപാത്രങ്ങളെ അവതരിപ്പിച്ചിരിക്കുന്നു.



വേണുഗോപൻ സംവിധാനം ചെയ്ത 'സർവ്വോപരി പാലാക്കാരനി'ൽ അനൂപ് മേനോന്‍, അപര്‍ണ ബാലമുരളി, അനു സിത്താര എന്നിവരാണ് പ്രധാന വേഷങ്ങള്‍ കൈകാര്യം ചെയ്തിരിക്കുന്നത്. അലന്‍സിയര്‍, ബാലു വര്‍ഗീസ് സീരിയല്‍ താരം ഗായത്രി എന്നിവരും ചിത്രത്തിൽ അഭിനയിച്ചിരിക്കുന്നു. ബിജിബാലാണ് സംഗീതം.



'ചന്ദ്രേട്ടൻ എവിടെയാ' എന്ന സൂപ്പര്‍ഹിറ്റ് ചിത്രത്തിനു ശേഷം സിദ്ധാർഥ് ഭരതൻ സംവിധാനം ചെയ്ത 'വർണ്യത്തിൽ ആശങ്ക അതു താനല്ലയോ ഇത്' എന്ന് പേരിട്ടിരിക്കുന്ന ചിത്രത്തിൽ കുഞ്ചാക്കോ ബോബനാണ് മുഖ്യവേഷത്തിലെത്തുന്നത്, ചെമ്പൻ വിനോദ് , സുരാജ് വെഞ്ഞാറമൂട്, 'കമ്മട്ടിപ്പാടം' ഫെയിം മണികണ്ഠൻ , ഷൈൻ ടോം ചാക്കോ എന്നിവർ പ്രധാന കഥാപാത്രങ്ങളെ അവതരിപ്പിച്ചിരിക്കുന്നു.



പ്രശാന്ത് പിള്ള സംഗീതമൊരുക്കുന്ന ചിത്രത്തിന്‍റെ തിരക്കഥ ഒരുക്കിയിരിക്കുന്നത് തൃശൂർ ഗോപാൽജിയാണ്. ആഷിക്ക് ഉസ്മാൻ പ്രൊഡക്ഷൻസിന്‍റെ ബാനറിൽ ആഷിക്ക് ഉസ്മാനാണ് ചിത്രം നിർമിച്ചിരിക്കുന്നത്.

Today's Malayalam Movie releases

Three Malayalam Movies are released today across Kerala