ദി കുങ്ഫു മാസ്റ്റർ
1983, ആക്ഷൻ ഹീറോ ബിജു, പൂമരം തുടങ്ങിയ സിനിമള്‍ക്ക് ശേഷം എബ്രിഡ് ഷൈൻ ഒരുക്കി തീയേറ്ററുകളിലേക്കെത്തുന്ന ചിത്രമാണ് കുങ്ഫു മാസ്റ്റർ. ആക്ഷന് ഏറെ പ്രാധാന്യമുള്ള ചിത്രമാണ്. നീതാ പിള്ള, ജിജി സ്ക്കറിയ, സനൂപ്, അഞ്ജു ബാലചന്ദ്രൻ, സംഗീത സംവിധായകൻ കൂടിയായ സൂരജ് എസ്. കുറുപ്പ് എന്നിവരാണ് മുഖ്യ അഭിനേതാക്കൾ.
കോട്ടയം
ബിനു ഭാസ്‌കര്‍ സംവിധാനം ചെയ്യുന്ന 'കോട്ടയം' കേരളം തൊട്ട് അരുണാചൽ വരെ നീണ്ട കഥയാണ് പറയുന്നത്. പുതുതലമുറയുടെ വികാരവിചാരങ്ങള്‍ പറയുന്ന ഒരു ചിത്രം കൂടിയാണിതെന്ന വാദത്തോടെയാണ് ചിത്രമെത്തുന്നത്.
സൈലൻസർ
വൈശാഖന്‍റെ ചെറുകഥ 'സൈലൻസർ' സംവിധായകൻ പ്രിയനന്ദനൻ അതേ പേരിൽ സിനിമയാക്കിയിരിക്കുകയാണ്. നടനും സംവിധായകനും നിർമ്മാതാവുമായ ലാൽ ആണ് ചിത്രത്തിലെ നായകൻ. പ്രസിദ്ധീകരിച്ച കാലത്തു തന്നെ ഏറെ ജനശ്രദ്ധയാകർഷിച്ച ചെറുകഥയാണ് സൈലൻസർ
കൊച്ചിൻ ശാദി അററ് ചെന്നൈ 03
ശിക്കാരി ശംഭൂ ഫെയിം ആര്‍.കെ.സുരേഷ്,ഞാന്‍ മഹാനല്ല ഫെയിം വിനോദ് കൃഷ്ണന്‍ എന്നിവരെ പ്രധാന കഥാപാത്രങ്ങളാക്കി മഞ്ജിത് ദിവാകർ സംവിധാനം ചെയ്യുന്ന ഏറ്റവും പുതിയ ചിത്രമാണ് കൊച്ചിൻ ശാദി അററ് ചെന്നൈ 03. കന്നട താരം അക്ഷിതയും നേഹ സക്സേനയും ചിത്രത്തിൽ മുഖ്യ കഥാപാത്രങ്ങളെ അവതരിപ്പിച്ചിട്ടുണ്ട്