പൂര്‍ണമായും കുഴിയിലെടുത്ത ചിത്രം 'ടെലിസ്കോപി'ന്‍റെ ട്രെയിലര്‍ എത്തി

പൂര്‍ണമായും ഒരു കുഴിയിൽ ചിത്രീകരിച്ച ചിത്രം 'ടെലിസ്കോപി'ന്‍റെ ട്രെയിലര്‍ പുറത്ത് വിട്ടു. അഗാധമായ കുഴിയിൽ കുടങ്ങിയ എട്ടു പേരുടെ അതിജീവനത്തിന്‍റെ കഥയാണ് ടെലിസ്കോപ് പറയുന്നത്. ജാതിയും വർണവും അധികാരവും ഒക്കെയാണ് ചിത്രത്തിൽ ചർച്ചയാകുന്നത്. എം.ബി പത്മകുമാറാണ് ചിത്രം സംവിധാനം ചെയ്തിരിക്കുന്നത്. ചിത്രത്തിന്‍റെ തിരക്കഥയും എഡിറ്റിങും നിർമ്മാണവുമെല്ലാം നിര്‍വ്വഹിച്ചിരിക്കുന്നതും പത്മകുമാര്‍ തന്നെ.



അനുരാഗ് ഗുണയാണ് ചിത്രത്തിന്‍റെ ക്യാമറ കൈകാര്യം ചെയ്തിരിക്കുന്നത്. എബി സാൽവിൻ തോമസാണ് ചിത്രത്തിന് സംഗീതം നൽകിയിരിക്കുന്നത്. സജീഷ് ബാബു സൗണ്ട് ഡിസൈനും ഫൈസൽ അഹമ്മദ് ലൊക്കേഷൻ സൗണ്ടും ഒരുക്കിയിരിക്കുന്നു. ഒ.എസ് ഉണ്ണികൃഷ്ണനാണ് ചിത്രത്തിലെ ഗാനങ്ങൾ രചിച്ചിരിക്കുന്നത്.