'ഗ്രേറ്റ്ഫാദര്‍' തെലുങ്കിലേക്ക്; ഡേവിഡ് നൈനാനായി വെങ്കിടേഷ്

മെഗാസ്റ്റാര്‍ മമ്മൂട്ടി നായകനായി ബോക്സോഫീസിൽ വമ്പൻ വിജയങ്ങൾ കൈവരിച്ച 'ഗ്രേറ്റ്ഫാദര്‍' തെലുങ്കിലേക്ക് റീമേക്ക് ചെയ്യാൻ ഒരുങ്ങുന്നതായി റിപ്പോര്‍ട്ട്. വെങ്കിടേഷാണ് തെലുങ്കിൽ നായകനാകുന്നത്. 2018 ആദ്യത്തോടെ ചിത്രീകരണം ആരംഭിക്കാനാണ് പദ്ധതി.



വെങ്കിടേഷ് തന്നെയാണ് റീമേക്കിനുള്ള നീക്കങ്ങള്‍ നടത്തുന്നതെന്നാണ് വിവരം. ചിത്രം ത്രിവിക്രം ശ്രീനിവാസോ വി വി വിനായകോ സുകുമാറോ ബോയപ്പട്ടി സീനുവോ ആണ് സംവിധാനം ചെയ്യുക എന്നാണ് റിപ്പോര്‍ട്ടുകള്‍.