എട്ടാം ദിനം 100 കോടി ക്ലബ്ബിൽ ഇടം നേടി 'മാമാങ്കം'

മമ്മൂട്ടിയുടെ ബ്രഹ്മാണ്ഡചിത്രമായി പുറത്തിറങ്ങിയ 'മാമാങ്കം' റിലീസ് ചെയ്ത് എട്ടാം ദിനം നൂറുകോടി ക്ലബ്ബില്‍. സോഷ്യൽമീഡിയയിലൂടെയാണ് സിനിമയുടെ ആഗോള കളക്ഷന്‍ നൂറുകോടി പിന്നിട്ടതായി ചിത്രത്തിന്‍റെ അണിയറ പ്രവര്‍ത്തകര്‍ അറിയിച്ചിരിക്കുന്നത്. മമ്മൂട്ടിയുടെ രണ്ടാമത്തെ നൂറുകോടി നേടുന്ന ചിത്രമാണ് മാമാങ്കം. മധുരരാജയും ഈ നേട്ടം കൈവരിച്ചിരുന്നു. സിനിമയ്‍ക്കെതിരെ നടക്കുന്ന ഡീഗ്രേഡിങ്ങിനിടയിലും വിമര്‍ശനങ്ങള്‍ക്കിടിയിലും ബോക്‌സോഫീസില്‍ സിനിമ വന്‍ കുതിപ്പ് നടത്തുന്നതിന്‍റെ സൂചനകൂടിയാണ് ഈ നേട്ടം.

Also Read: 'അച്ഛന്‍റേയും അമ്മയുടേയും വേര്‍പിരിയല്‍ ഷോക്കായിരുന്നു'; മനസ് തുറന്ന് കല്യാണി പ്രിയദര്‍ശൻ

മലയാളത്തിന് പുറമെ തെലുങ്ക്, തമിഴ്, ഹിന്ദി ഭാഷകളിലും ചിത്രം റിലീസ് ചെയ്തിരുന്നു. ചിത്രം റെക്കോര്‍ഡ് തുകയ്ക്ക് ചൈനയില്‍ പ്രദര്‍ശനത്തിന് ഒരുങ്ങുകയുമാണ്. കഴിഞ്ഞദിവസമാണ് സിനിമയുടെ അണിയറ പ്രവര്‍ത്തകര്‍ ഇത് വ്യക്തമാക്കിയത്.

Also Read: സിനിമ, കാര്‍, പൃഥ്വിയ്ക്ക് ഇനിയൊരു പ്രണയം കൂടിയുണ്ട് !; സുപ്രിയ വെളിപ്പെടുത്തുന്നു

ഹോങ്കോങ് ആസ്ഥാനമായ വിതരണ കമ്പനി റെക്കോര്‍ഡ് വിലയ്ക്കാണ് മാമാങ്കത്തിന്‍റെ വിതരണാവകാശം സ്വന്തമാക്കിയിരിക്കുന്നത്. അതേസമയം റിലീസ് ചെയ്ത കേന്ദ്രങ്ങളില്‍ ചിത്രം ഹൗസ് ഫുള്ളായി പ്രദര്‍ശിപ്പിക്കുന്നുണ്ടെന്നാണ് അണിയറപ്രവർത്തക‍ർ പറഞ്ഞിരിക്കുന്നത്. ചിത്രത്തിന്‍റെ ആഗോള കളക്ഷന്‍ നാലു ദിവസം കൊണ്ട് 60 കോടി പിന്നിട്ടിരുന്നതും വലിയ വാര്‍ത്തയായിരുന്നു. ആദ്യദിനം ചിത്രം ആഗോള കളക്ഷനായി നേടിയത് 23 കോടി രൂപയായിരുന്നുവെന്ന് നിര്‍മ്മാതാവ് വേണു കുന്നപ്പിള്ളി അറിയിച്ചിരുന്നു. സംവിധായകൻ എം.പത്മകുമാറാണ് ചിത്രം സംവിധാനം ചെയ്തിരിക്കുന്നത്.

Also Watch : വിരസതയുടെ പഴയ വീഞ്ഞ് | Valiya Perunnal Movie Review