മമ്മൂട്ടിയും ദുൽഖറും ഒന്നിച്ചഭിനയിക്കാൻ ഒരുങ്ങുന്നെന്ന് റിപ്പോര്ട്ട്. തെലുങ്കിലാണ് ഇരുവരും ഒന്നിക്കുന്നതെന്നും യാത്രയുടെ രണ്ടാം ഭാഗത്തിലാണ് അത് സംഭവിക്കുക എന്നുമാണ് റിപ്പോര്ട്ടുകൾ. മമ്മൂട്ടി അഭിനയിച്ച് സൂപ്പര്ഹിറ്റായ യാത്രയുടെ രണ്ടാം പതിപ്പിൽ ആന്ധ്രാ പ്രദേശ് മുൻ മുഖ്യമന്ത്രി വൈ എസ് രാജശേഖര റെഡിയുടെ മകനായാണ് ദുൽഖറെത്തുകയെന്നാണ് വിവരം. ആന്ധ്രാ പ്രദേശ് മുൻ മുഖ്യമന്ത്രി വൈ എസ് രാജശേഖര റെഡിയുടെ ജീവിതം പറഞ്ഞ ചിത്രം യാത്രയിൽ മമ്മൂട്ടിയുടെ പ്രകടനം അവിസ്മരണീയമായിരുന്നു. ചിത്രം ബോക്സ് ഓഫീസിൽ വൻ വിജയമാണ് സ്വന്തമാക്കിയത്. മഹി രാഘവാണ് ചിത്രം സംവിധാനം ചെയ്തത്.
പാത്തശാല, ആനന്ദ ബ്രഹ്മോ എന്നീ തെലുങ്ക് ചിത്രങ്ങൾ സംവിധാനം ചെയ്ത വ്യക്തിയാണ് മഹി. വില്ലേജലോ വിനായകടു, കുടിരിതെ കപ്പു കോഫീ തുടങ്ങിയ ചിത്രങ്ങളുടെ നിർമാതാവ് കൂടിയാണ് മഹി വി രാഘവ്. യാത്രയുടെ വമ്പൻ വിജയം ആന്ധ്രാപ്രദേശിലെ തെരഞ്ഞെടുപ്പിൽ വൈ എസ് ആറിൻ്റെ പാർട്ടിയായ വൈഎസ്ആർ കോൺഗ്രസിൻ്റെ സ്ഥാനാര്ത്ഥിയായിരുന്ന ജഗൻ മോഹൻ റെഡ്ഡിയ്ക്ക് വലിയ ജനപിന്തുണയ്ക്ക് കാരണമായി. പാര്ട്ടിയുടെ വലിയ വിജയത്തിനും ഈ ചിത്രം വഴിവെച്ചുവെന്ന തരത്തിൽ തെരഞ്ഞെടുപ്പ് ഫലത്തിന് പിന്നാലെ റിപ്പോര്ട്ടുകളുണ്ടായിരുന്നു.
ഇതിന് പിന്നാലെയാണ് യാത്രയുടെ രണ്ടാം ഭാഗം ഉണ്ടാകുമെന്ന് മഹി രാഘവ് ട്വിറ്ററിലൂടെ വ്യക്തമാക്കിയിരിക്കുന്നത്. യാത്രയുടെ കഥ ഒരിക്കലും ആദ്യ ഭാഗത്തിലൂടെ പൂർത്തിയാകുന്നില്ല എന്നും ജഗനിലൂടെ മാത്രമേ പൂർത്തിയാകുകയുള്ളു എന്നും മഹി രാഘവ് ട്വിറ്ററിൽ കുറിച്ചു.
രണ്ടാംഭാഗത്തിൽ ആര് ജഗൻ്റെ വേഷം കൈകാര്യം ചെയ്യുമെന്നത് ദുൽഖറാകുമെന്ന വിവരമാണ് സോഷ്യൽ മീഡിയയിൽ പ്രചരിക്കുന്നത്. ഈ വേഷത്തിന് വേണ്ടി ദുൽഖർ സൽമാനെ പരിഗണിക്കുന്നെന്നും പരക്കെ റിപ്പോര്ട്ടുകളുണ്ട്. മഹി താരവുമായി ചിത്രത്തെ സംബന്ധിച്ച പ്രാരംഭഘട്ട ചർച്ചകൾ നടത്തിയെന്ന അനൗദ്യോഗികമായ റിപ്പോർട്ടുകളും ഇതോടൊപ്പമുണ്ട്.
പാത്തശാല, ആനന്ദ ബ്രഹ്മോ എന്നീ തെലുങ്ക് ചിത്രങ്ങൾ സംവിധാനം ചെയ്ത വ്യക്തിയാണ് മഹി. വില്ലേജലോ വിനായകടു, കുടിരിതെ കപ്പു കോഫീ തുടങ്ങിയ ചിത്രങ്ങളുടെ നിർമാതാവ് കൂടിയാണ് മഹി വി രാഘവ്. യാത്രയുടെ വമ്പൻ വിജയം ആന്ധ്രാപ്രദേശിലെ തെരഞ്ഞെടുപ്പിൽ വൈ എസ് ആറിൻ്റെ പാർട്ടിയായ വൈഎസ്ആർ കോൺഗ്രസിൻ്റെ സ്ഥാനാര്ത്ഥിയായിരുന്ന ജഗൻ മോഹൻ റെഡ്ഡിയ്ക്ക് വലിയ ജനപിന്തുണയ്ക്ക് കാരണമായി. പാര്ട്ടിയുടെ വലിയ വിജയത്തിനും ഈ ചിത്രം വഴിവെച്ചുവെന്ന തരത്തിൽ തെരഞ്ഞെടുപ്പ് ഫലത്തിന് പിന്നാലെ റിപ്പോര്ട്ടുകളുണ്ടായിരുന്നു.
ഇതിന് പിന്നാലെയാണ് യാത്രയുടെ രണ്ടാം ഭാഗം ഉണ്ടാകുമെന്ന് മഹി രാഘവ് ട്വിറ്ററിലൂടെ വ്യക്തമാക്കിയിരിക്കുന്നത്. യാത്രയുടെ കഥ ഒരിക്കലും ആദ്യ ഭാഗത്തിലൂടെ പൂർത്തിയാകുന്നില്ല എന്നും ജഗനിലൂടെ മാത്രമേ പൂർത്തിയാകുകയുള്ളു എന്നും മഹി രാഘവ് ട്വിറ്ററിൽ കുറിച്ചു.
രണ്ടാംഭാഗത്തിൽ ആര് ജഗൻ്റെ വേഷം കൈകാര്യം ചെയ്യുമെന്നത് ദുൽഖറാകുമെന്ന വിവരമാണ് സോഷ്യൽ മീഡിയയിൽ പ്രചരിക്കുന്നത്. ഈ വേഷത്തിന് വേണ്ടി ദുൽഖർ സൽമാനെ പരിഗണിക്കുന്നെന്നും പരക്കെ റിപ്പോര്ട്ടുകളുണ്ട്. മഹി താരവുമായി ചിത്രത്തെ സംബന്ധിച്ച പ്രാരംഭഘട്ട ചർച്ചകൾ നടത്തിയെന്ന അനൗദ്യോഗികമായ റിപ്പോർട്ടുകളും ഇതോടൊപ്പമുണ്ട്.